మేషం : ఎలక్ట్రికల్, ఎలక్ట్రానికల్, మెకానికల్ రంగాల వారికి పనిభారం అధికం. వృత్తి ఉద్యోగాల్లో గణనీయమైన పురోభివృద్ధి సాధిస్తారు. మీ చిత్తశుధ్ధి నిజాయితీలకు మంచి గుర్తింపు లభిస్తుంది. వృత్తులవారికి బాధ్యతలు పెరుగుతాయి. మీ ప్రయత్నాలను కొంతమంది పక్కదారి పట్టించే ఆస్కారం ఉంది. జాగ్రత్త వహించండి.
వృషభం : ఆర్థిక, కుటుంబ సమస్యలు ఒక కొలిక్కి వస్తాయి. గృహ మరమ్మతులు, మార్పులు, చేర్పులు అనుకూలిస్తాయి. ప్రతి విషయంలోనూ ఆచితూచి వ్యవహరించడం మంచిది. స్త్రీలు పనివారలతో సమస్యలు ఎదుర్కొంటారు. రుణం ఏ కొంతైనా తీర్చాలన్న మీ సంకల్పం నెరవేరుతుంది. మీ ఓర్పు, నేర్పులకిది పరీక్షా సమయం.
మిథునం : ముఖ్యుల కోసం మీ పనులు వాయిదా వేసుకోవలసి వస్తుంది. మితిమీరిన ఆలోచనలు, శ్రమాధిక్యతవల్ల స్వల్పంగా అనారోగ్యానికి గురవుతారు. పాత మిత్రుల కలయికతో మీలో నూతనోత్సాహం చోటు చేసుకుంటుంది. చేతలో ధనం నిలవడం కష్టమవుతుంది. వాహన నడుపుతున్నపుడు ఏకాగ్రత వహించండి.
కర్కాటకం : ఆత్మీయులు, కుటుంబీకులతో ఉల్లాసంగా గడుపుతారు. మీడియా రంగాల వారికి ఒత్తిడి, చికాకులు అధికం. వ్యాపారులకు, రేషన్ డీలర్లకు అధికారుల వేధింపులు అధికమవుతాయి. బంధువుల ఆకస్మిక రాకతో కొంత అసౌకర్యానికి లోనవుతారు. మీ సంతానం విద్యా విషయాలు ఆందోళన కలిగిస్తాయి.
సింహం : వృత్తి వ్యాపారాలు అంతంతమాత్రంగానే సాగుతాయి. కొబ్బరి, పండ్లు, పూలు, చల్లని పానీయ చిరు వ్యాపారులకు లాభదాయకంగా ఉంటుంది. భాగస్వామిక చర్చల్లో కొత్త విషయాలు చోటు చేసుకుంటాయి. విదేశీ రుణ యత్నాలు అనుకూలిస్తాయి. నిరుద్యోగులకు ఇంటర్వ్యూలకు సంబంధించిన సమాచారం అందుతుంది.
కన్య : కాంట్రాక్టర్లకు, బిల్డర్లకు నిర్మాణ పనుల్లో స్వీయ పర్యవేక్షణ అవసరం చేపట్టిన పనులు ఆశించినత చురుకుగా సాగవు. కీలకమైన బాధ్యతలు ఇతరులకు అప్పగించడం మంచిదికాదు. దంపతుల మధ్య కలహాలు అభిప్రాయభేదాలు తలెత్తుతాయి. వాణిజ్య ఒప్పందాలు, వ్యవహారాలు వాయిదా వేయడం మంచిది.
తుల : లాయర్లకు, ఆడిటర్లకు సదావకాశాలు లభించినా వాటిని సద్వినియోగం చేసుకోలేక పోతారు. ఆకస్మిస ధనప్రాప్తి, వాహనయోగం పొందుతారు. ఉద్యోగస్తుల సమర్థతను అధికారులు గమనిస్తారు. ఫైనాన్స్, చిట్స్ వ్యాపారులకు ఖాతాదారులతో సమస్యలు తలెత్తుతాయి. ధనవ్యయం విపరీతంగా ఉన్నా సార్థకత ఉంటుంది.
వృశ్చికం : మీకు నచ్చిన వారితో ఉల్లాసంగా గడుపుతారు. ఇసుక, క్వారీ కాంట్రాక్టర్లకు ఊహించని ఆటంకాలెదురవుతాయి. తలకు మించిన బాధ్యతలతో తలమునకలౌతుంటే కాస్త ఓపిగ్గా వ్యవహరించండి. దైవ సేవా కార్యక్రమాలలో చురుకుగా పాల్గొంటారు. వేళతప్పి భుజించుట, శారీరక శ్రమ వల్ల ఆరోగ్యం మందగిస్తుంది.
ధనస్సు : బంధు మిత్రులతో వేడుకల్లో పాల్గొంటారు. అతిథి మర్యాదలు బాగుగా నిర్వహిస్తారు. భాగస్వామిక చర్చలు అర్థాంతరంగా ముగుస్తాయి. నూతన వ్యాపారాలపట్ల మెళకువ వహించండి. పెద్దల ఆరోగ్యం ఆందోళన కలిగిస్తుంది. ప్రయాణాల లక్ష్యం నెరవేరుతుంది ప్రతీ విషయంలోనూ ఆలోచించి నిర్ణయం తీసుకోవడం మంచిది.
మకరం : వాతావరణంలో మార్పు ఆందోళన కలిగిస్తుంది. న్యాయవాదులతో సంప్రదింపులు జరుపుతారు. గృహంలో మార్పులు, చేర్పులు అనుకూలిక్తాయి. కృషి రంగానికి అవసరమైన వస్తువులు సమకూర్చుకుంటారు. ప్రముఖుల కలయిక ప్రయోజనకరంగా ఉంటుంది. పెద్దల ఆరోగ్యం విషయంలో జాగ్రత్త వహించడం మంచిది.
కుంభం : ముఖ్యులతో ఆంతరంగిక విషయాలను చర్చిస్తారు. స్త్రీలకు వాహనం నడుపునపుడు ఏకాగ్రత, మెళకువ చాలా అవసరం. స్టేషనరీ, ప్రింటింగ్ రంగాల వారికి శుభం చేకూరుతుంది. రుణ విముక్తులు కావడంతో పాటు కొత్త రుణాలు అనుకూలిస్తాయి. ప్రియతముల కోసం విలువైన వస్తువులు సమకూర్చుకుంటారు.
మీనం : రాజకీయాలలో వారికి మంచి గుర్తింపు లభిస్తుంది. భాగస్వామ్యుల మధ్య అసందర్భపు మాటలు తలెత్తే అవకాశం ఉంది. బంధు మిత్రులను కలుసుకుంటారు. హోటల్, తినుబండ వ్యాపారస్తులకు సంతృప్తి కానవచ్చును. ఏజెంట్లు, బ్రోకర్లు, రిప్రజెంటేటివ్‌లకు మిశ్రమ ఫలితం. భార్యాభర్తల మధ్య సఖ్యత నెలకొంటుంది.
