ముఖ్యంగా, కొవిడ్-19 రిపోర్ట్‌లో నెగిటివ్ వస్తేనే భారత్‌కు వచ్చేందుకు అనుమతి ఉంటుంది. నెగిటివ్ రిపోర్ట్ అప్‌లోడ్ చేసినప్పటికి విదేశాల నుంచి వచ్చే ప్యాసెంజర్లు భారత్ వచ్చిన తర్వాత మళ్లీ కొవిడ్-19 టెస్ట్ చేయించుకోవాల్సిందేనని స్పష్టం చేసింది.
కేరళలోని కొచ్చి, తిరువనంతపురం ఎయిర్‌పోర్టులలో రూ.1500 నుంచి రూ.2 వేలు, ముంబైలో రూ.850, హైదరాబాద్‌లో రూ.1000, అహ్మదాబాద్‌లో రూ.800, బెంగళూరులో ఆర్టీపీసీఆర్ ఎక్స్‌ప్రెస్(రూ.3 వేలు - 30 నిమిషాల ప్రాసెసింగ్ టైమ్), ఆర్టీపీసీఆర్ నార్మల్ - రూ.500(నాలుగు గంటల ప్రాసెసింగ్ టైమ్), చెన్నైలో రూ.1200 నుంచి రూ.2500, ఢిల్లీలో రూ.800, కోల్‌కతాలో రూ.950 చొప్పున ధరలు నిర్ణయించారు.
ఇప్పటికే కేరళకు చెందిన ప్రవాసీయులు కొవిడ్-19 టెస్ట్‌ను ఆపాలంటూ ముఖ్యమంత్రి పినరయి విజయన్‌కు లేఖ రాశారు. తాము నెగిటివ్ రిపోర్ట్ అప్‌లోడ్ చేశాక మళ్లీ కొవిడ్-19 టెస్ట్ ఏంటంటూ వారంతా ఆవేదన వ్యక్తం చేస్తున్నారు. గల్ఫ్ దేశాల్లో ఆర్థిక ఇబ్బందులను భరించలేక స్వదేశానికి వస్తోంటే, టెస్ట్‌ల పేరుతో తమ దగ్గర మళ్లీ డబ్బులను వసూలు చేయడం తగదంటూ వారు వాపోతున్నారు.
