రష్యా అధినేత పుతిన్‌కు అనారోగ్యం?

శుక్రవారం, 6 నవంబరు 2020 (13:44 IST)
రష్యా దేశ శాశ్వత అధినేతగా ఎంపికైన వ్లాదిమిర్ పుతిన్‌ తీవ్ర అనారోగ్యానికి గురైనట్టు వార్తలు వస్తున్నాయి. దీంతో ఆయన తన పదవి నుంచి తప్పుకునే సూచనలు ఉన్నట్టు సమాచారం. 
 
68 యేళ్ళ పుతిన్‌కు ప్రస్తుతం మెదడులోని నాడీ వ్యవస్థ దెబ్బతినే పార్కిన్సన్స్ వ్యాధితో ఆయన బాధపడుతున్నట్టు సమాచారం. దీంతో అధ్యక్ష పదవీ బాధ్యతలను నిర్వర్తించడం మంచిది కాదని ఆయన కుటుంబ సభ్యులతో పాటు వైద్యులు ఆయనకు సలహా ఇస్తున్నారు. 
 
అనారోగ్యం బారినపడ్డప్పటికీ, ఆయన తన పని తాను చేస్తున్నారు. అయితే, భవిష్యత్‌లో వ్యాధి మరింత ముదిరే అవకాశం ఉండడంతో పూర్తిగా విశ్రాంతి తీసుకోవాలని ఆయనను కుటుంబ సభ్యులు కోరుతున్నారు. 
 
ఈ నేపథ్యంలో ఆయన తప్పకుండా రాజీనామా చేస్తారనే వార్తలు వస్తున్నాయి. 2021 జనవరిలో పుతిన్ రాజీనామా చేసే అవకాశం ఉన్నట్లు రష్యా మీడియా తెలిపింది. మరోవైపు రాజకీయ రంగ విశ్లేషకులు మాత్రం పుతిన్ ఆ పదవి నుంచి తప్పుకోబోరనే అభిప్రాయపడుతున్నారు. 
 
తాను బతికున్నంతకాలం అధ్యక్ష పదవిలో కొనసాగాలన్న ఆకాంక్ష పుతిన్‌కు ఉంది. ఈ మేరకు రాజ్యాంగంలో సవరణలు కూడా తీసుకువచ్చారు. అంతగా ఆ పదవిపై ఆశ ఉన్న పుతిన్ వ్యాధి కారణంగా పదవీ బాధ్యతల నుంచి తప్పుకుంటారా? అన్న సందేహాలూ వ్యక్తమవుతున్నాయి. 

వెబ్దునియా పై చదవండి

సంబంధిత వార్తలు