యువతి చెంప ఛెళ్లుమనిపించిన పోలీస్... ఉద్యోగం ఊడింది.. ఎక్కడ!!

బుధవారం, 29 జులై 2020 (08:40 IST)
పోలీసు ఉద్యోగం ఉంది కదా అని విర్రవీగాడో అధికారి. నడిరోడ్డుపై ఓ యువతిని చెంప పగలగొట్టాడు. అక్కడితో ఆగకుండా ఆమె జుట్టుపట్టుకొని గుంజాడు. ఈ ఘటన జార్ఖండ్‌లోని సాహిబ్‌గంజ్‌లో చోటుచేసుకుంది. దీనికి సంబంధించిన వీడియో సోషల్ మీడియాలో వైరలయింది. అలా విషయం సీఎం హేమంత్ సోరెన్ వరకూ వెళ్లింది. ఈ వీడియో చూసిన ఆయన చాలా సీరియస్ అయ్యారు. 
 
డీజీపీ ఎమ్‌వీ రావుకు ట్యాగ్ చేస్తూ వీడియోను షేర్ చేశారు. 'ఇలాంటి నీచమైన, అనుచితమైన ప్రవర్తనను అస్సలు భరించకూడదు' అని ట్వీట్ చేశారు. వీడియోలోని పోలీసు అధికారిపై చర్యలు తీసుకోవాలని సూచించారు. దీనిపై వెంటనే స్పందించిన డీజీపీ సదరు పోలీసు అధికారిని సస్పెండ్ చేసి, ఘటనపై దర్యాప్తుకు ఆదేశించారు.
 
నిజానికి కొంతమంది పోలీసులు విధుల్లో ఉన్నపుడు, చేతిలో అధికారం ఉందని కిరాతకంగా రెచ్చిపోతుంటారు. జార్ఖండ్ రాష్ట్రంలోని సాహిబ్ గంజ్ ప్రాంతంలో జరిగిన ఈ ఘటనకు సంబంధించిన పూర్తి వివరాలను పరిశీలిస్తే, రోడ్డుపై బందోబస్తులో ఉన్న ఓ పోలీసు, ఆ దారిలో వచ్చిన ఓ యువతిని ఎందుకు వచ్చావని ప్రశ్నించి, ఆపై చెంపమీద ఒక్కటిచ్చాడు. 
 
అంతేకాదు... జుట్టు పట్టుకుని లాగాడు. ఇదంతా అక్కడే ఉన్న ఓ వ్యక్తి తన స్మార్ట్ ఫోన్‌లో బంధించగా, అది సోషల్ మీడియాకు ఎక్కింది. సదరు పోలీసు తీరుపై సర్వత్ర విమర్శలు వెల్లువెత్తాయి. ఇది చివరకు ముఖ్యమంత్రి హేమంత్ సోరేన్ దృష్టికి వెళ్లడంతో అధికారిపై సస్పెండ్ వేటుపడింది. 

వెబ్దునియా పై చదవండి

సంబంధిత వార్తలు