పడకగదిలో రహస్యంగా డీవీఆర్.. ఫ్రెండ్‌తో శృంగారం.. భర్తకు విడాకులు

శనివారం, 23 నవంబరు 2019 (12:46 IST)
పడకగదిలో రహస్యంగా డీవీఆర్ వుంచిన భర్త విడాకులు తీసుకోవడంలో గెలిచాడు. అతను ఊళ్లో లేనప్పుడు ఆమె ఫ్రెండ్స్‌లో ఒకడు ఆ ఇంటికి వచ్చాడు. ఆమెతో సెక్స్‌లో పాల్గొన్నాడు. ఇదంతా డీవీఆర్‌లోని డీవీడీలో రికార్డైంది. దీనిపై అభ్యంతరం వ్యక్తం చేస్తూ ఆ భర్త బళ్లారి ఫ్యామిలీ కోర్టును ఆశ్రయించాడు. ఇలా బెడ్‌రూంలో వీడియో రికార్డర్ పెట్టడాన్ని తప్పుపట్టిన కోర్టు, సాక్ష్యాధారాలు వీడియో బలంగా ఉండటంతో విడాకులకు ఓకే చెప్పింది.
 
వివరాల్లోకి వెళితే.. బళ్లారికి చెందిన అతనికి 1997 జులై 7న ఆమెతో పెళ్లైంది. వాళ్లకు ఇద్దరు కూతుర్లున్నారు. 2008 జూన్ 4 నుంచీ జూన్ 9 వరకు బెంగళూరు వెళ్లాల్సి రావడంతో తన భార్యపై అనుమానం ఉన్న అతను బెడ్‌రూంలో సీక్రెట్‌గా డిజిటల్ వీడియో రికార్డర్ (డీవీఆర్)ను ఉంచాడు. దీంట్లో ఈ తతంగమంతా రికార్డు అయ్యింది.
 
కానీ కింది కోర్టు తీర్పును ఆమె 2013 జులై 30న పైకోర్టులో (హైకోర్టులో) సవాల్ చేశారు. తన భర్తకు పోర్నోగ్రఫీ ఫిల్మ్స్ తీసే అలవాటు ఉందన్న ఆమె... తనను బలవంతంగా అలాంటి వాటిలో నటించేలా చేయిస్తున్నారని ఆరోపించారు. ఆ వీడియోలో ఉన్నది కూడా అలాంటిదే అన్నారు. తన భర్త బెంగళూరు వెళ్లలేదనీ... ఆ సమయంలో ఇంట్లోనే ఉన్నారని తెలిపారు. అందువల్ల విడాకులు ఇవ్వాలన్న కింది కోర్టు తీర్పును కొట్టివేయాలని కోరారు.
 
అయితే వీడియో చూసిన ఇద్దరు జడ్జిల ద్విసభ్య ధర్మాసనం... ఆమె చెప్పిన మాటలు నమ్మేలా లేవని తెలిపింది. ఆ వీడియోలో ఎక్కడా ఆమె బలవంతంగా సెక్స్‌లో పాల్గొన్నట్లు లేదని తేల్చింది. పైగా ఆమె భర్త పోర్నోగ్రఫీ ఫిల్మ్స్ చేయిస్తున్నట్లు ఆధారాలు కూడా లేవని స్పష్టం చేసింది. 

వెబ్దునియా పై చదవండి

సంబంధిత వార్తలు