ఈ విషయం బుధవారం వెలుగులోకి వచ్చింది. మృతుడు గూఢచర్యం ఆరోపణలో జైలు శిక్ష అనుభవిస్తున్నాడు. మృతుడిని షకీర్‌గా గుర్తించారు. ఇదే జైల్లో శిక్షను అనుభవిస్తున్న ముగ్గురు ఖైదీలు అతడిపై దాడిచేసి కొట్టిచంపేశారు. దీనిపై సమాచారం అందగానే సీనియర్ పోలీస్ అధికారులు, ఫోరెన్సిక్ నిపుణులు జైలుకు చేరుకుని విచారణ చేపట్టారు.
దీనిపై జైళ్ళ శాఖ ఐజీ రూపేందర్ సింగ్ స్పందిస్తూ, "‘ఓ పాకిస్థాన్ ఖైదీ జైపూర్ కేంద్ర కారాగారంలో హత్యకు గురైనట్టు సమాచారం అందింది.. దానిపై వివరాలు సేకరించి విచారణ జరుపుతున్నాం" అని వెల్లడించారు. కాగా, పుల్వామా ఉగ్రదాడి ఘటనలో 40 మంది భారతీయ జవాన్లు ప్రాణాలు కోల్పోయిన విషయం తెల్సిందే. దీంతో ఆగ్రహంతో ఉన్న భారతీయ ఖైదీలు ఈ దారుణానికి ఒడిగట్టారు.
