పవర్ స్టార్ పవన్ కళ్యాణ్ నటిస్తున్న తాజా చిత్రం వకీల్ సాబ్. బాలీవుడ్ చిత్రం పింక్‌కు ఇది రీమేక్. వేణు శ్రీరామ్ దర్శకత్వం వహిస్తున్న ఈ చిత్రాన్ని ప్రముఖ నిర్మాతలు దిల్ రాజు, బోనీ కపూర్‌లు నిర్మిస్తున్నారు. ఇందులో అంజలి, నివేదా థామస్, అనన్య కీలక పాత్రల్లో కనిపించబోతున్నారు.
అయితే, ఈ చిత్రంలో హీరోయిన్ ఎవరన్న అంశంపై ఇప్పటి వరకు సస్పెన్స్‌గా ఉండేది. హీరోయిన్ పాత్రకు ఇలియానా, శృతిహాసన్, కాజల్ అగర్వాల్ వంటి పేర్లను పరిశీలించారు. కానీ, ఆ ఛాన్స్ తమన్నా‌ను వరించినట్టు తెలుస్తోంది.
ఇప్పటికే తమన్నాతో సంప్రదింపులు జరిగాయని తెలుస్తోంది. భారీ పారితోషికం, పైగా పవన్ సినిమా కావడంతో తమన్నా వెంటనే ఓకే చెప్పేసిందని సమాచారం. పవన్, తమన్నా గతంలో 'కెమేరామెన్ గంగతో రాంబాబు' సినిమాలో కలిసి నటించారు.
