నాగబాబు వ్యాఖ్యలపై బాలయ్య షాకింగ్ కామెంట్స్, వైరల్ అవుతున్న వీడియో

మంగళవారం, 2 జూన్ 2020 (18:17 IST)
మెగా బ్రదర్ నాగబాబు... నందమూరి బాలకృష్ణ గురించి కామెంట్ చేయడం.. అది చర్చనీయాంశం అవ్వడం తెలిసిందే. ఇటీవలే కాకుండా గతంలో కూడా నాగబాబు.. బాలయ్య గురించి సోషల్ మీడియాలో కామెంట్ చేయడం అందరికీ తెలిసిన విషయమే. అయితే... తెలంగాణ రాష్ట్ర ముఖ్యమంత్రి కేసీఆర్ ను.. చిరంజీవి, నాగార్జున మరికొంత మంది సినీ ప్రముఖులు వెళ్లి షూటింగ్స్ చేసుకోవడానికి పర్మిషన్ ఇవ్వమని అడగడం జరిగింది.
 
ఈ సమావేశానికి నందమూరి బాలకృష్ణను ఆహ్వానించకపోవడంతో బాలయ్య తన మనసులో మాటలను మీడియా సాక్షిగా బయటపెట్టారు. భూములు పంచుకోవడం కోసమే మంత్రి తలసాని శ్రీనివాస యాదవ్‌తో మీటింగ్ పెట్టారంటూ బాలయ్య కామెంట్ చేయడం సినీరాజకీయ వర్గాల్లో హాట్ టాపిక్ అయ్యింది. ఈ వ్యాఖ్యలను తప్పుబడుతూ నాగబాబు బాలయ్యపై కామెంట్ చేయడంతో బాలయ్య, నాగబాబు మధ్య వార్ నడుస్తుంది అంటూ వార్తలు రావడం తెలిసిందే.
 
సోషల్ మీడియాలో అటు చిరు అభిమానులు ఇటు బాలయ్య అభిమానులు ఒకరిపై ఒకరు కామెంట్స్ చేయడంతో ఈ వివాదం రోజురోజుకు ముదురుతుంది. అయితే... ఈ వివాదం గురించి బాలయ్యను అడిగితే...ఛీ, ఛీ... నేనేమంటాను.. అన్నీ ఆయనే(నాగబాబే) మాట్లాడుతున్నాడు కదా. నేను అస్సలు స్పందించను. ఇవాళ ఇండస్ట్రీ మొత్తం నాకు సపోర్ట్‌గా నిలుస్తోంది. అలాంటప్పుడు నేనెందుకు మాట్లాడాలి అన్నారు. ఈ వీడియో సోషల్ మీడియాలో వైరల్ అవుతుంది. 

వెబ్దునియా పై చదవండి

సంబంధిత వార్తలు