ఎన్టీఆర్ బయోపిక్-కృష్ణకుమారిగా మాళవికా నాయర్

గురువారం, 15 నవంబరు 2018 (11:12 IST)
తెలుగు ప్రేక్షకులు ఎంతో ఆసక్తిగా ఎదురుచూస్తున్న ఎన్టీఆర్ సినిమా షూటింగ్ ముగింపు దశకు చేరుకున్న నేపథ్యంలో.. అనుకున్నట్లే డిసెంబర్‌కల్లా ఎన్టీఆర్ బయోపిక్ రెండు పార్టుల చిత్రీకరణ ముగించే అవకాశం కనిపిస్తుంది. ఈ నేపథ్యంలో ఎన్టీఆర్ బయోపిక్‌కి సంబంధించిన షూటింగ్ చకచకా జరిగిపోతోంది. ఎప్పటికప్పుడు ఆర్టిస్టుల ఫస్టు లుక్స్‌ను రిలీజ్ చేస్తూ క్రిష్ అందరిలోనూ ఆసక్తిని రేకెత్తిస్తున్నాడు. 
 
ఈ సినిమాలో శ్రీదేవిగా రకుల్ ప్రీత్ సింగ్, జయప్రదగా తమన్నా, సావిత్రిగా నిత్యామీనన్ నటిస్తున్నారు. ఇక ఈ సినిమా కోసం మరో యంగ్ హీరోయిన్‌ను కూడా తీసుకున్నారు. తాజాగా మాళవిక నాయర్ ఈ చిత్రానికి ఎంపికైంది.
 
ఎన్టీఆర్ సరసన కథానాయికగా కృష్ణకుమారి ఎన్నో విజయవంతమైన చిత్రాల్లో నటించారు. ఈ బయోపిక్‌లో కృష్ణకుమారి పాత్రలో మాళవిక నాయర్ కనిపించనుంది. ఆ పాత్రకిగాను మాళవిక నాయర్‌ను తీసుకున్నారు. త్వరలోనే బాలకృష్ణ, మాళవిక నాయర్‌కి సంబంధించిన సన్నివేశాలను చిత్రీకరించనున్నట్లు సినీ యూనిట్ వెల్లడించింది. 

వెబ్దునియా పై చదవండి

సంబంధిత వార్తలు