విజ‌య్ సేతుప‌తి ఆవిష్క‌రించిన `మడ్డీ` ఫ‌స్ట్ లుక్

శనివారం, 20 ఫిబ్రవరి 2021 (20:39 IST)
Muddy look poster
భారతదేశపు మొట్టమొదటి ఆఫ్-రోడ్ మడ్ రేస్ చిత్రం `మడ్డీ`. ప్రేక్షకులకు 4x4 వినూత్న సినిమా అనుభవాన్ని అందించేలా రూపొందిన  ఈ చిత్రం ద్వారా డాక్టర్ ప్రగ‌ల్‌భ‌ల్ ద‌ర్శ‌కుడిగా ప‌రిచ‌య‌మ‌వుతున్నారు. ఈ మూవీ టైటిల్‌లోగో, ఫ‌స్ట్‌లుక్ పోస్ట‌ర్‌ని మ‌క్క‌ల్ సెల్వ‌న్ విజ‌య్ సేతుప‌తి రిలీజ్ చేశారు. కొద్దిమందికి మాత్రమే తెలిసిన ఆఫ్ రోడ్ రేసింగ్ క్రీడల గురించి సినిమాపరంగా ఎంతో రీసెర్చ్ చేసి ఈ చిత్రాన్ని రూపొందించారు. రవి బస్రూర్ సంగీతం అందించిన ఈ చిత్రానికి శాన్ లోకేష్ ఎడిటింగ్ భాద్య‌త‌లు స్వీక‌రించ‌గా హాలీవుడ్ ఫేమ్ కె జి రతీష్  సినిమాటోగ్రఫీ అందించారు. భారతీయ సినిమాల్లో కొత్త ద‌ర్శ‌కులు, నిర్మాత‌లు మునుపెన్నడూ చూడని ఆలోచనలతో ప్రత్యేకమైన ప్రయోగాలు చేస్తున్న ఈ త‌రుణంలో ఒక దర్శకుడు తన తొలి చిత్రం కోసం 4x4 ఆఫ్-రోడ్ రేసింగ్‌ ను ఎంచుకోవడం విశేషం.
 
భారతదేశం యొక్క మొదటి 4x4 మడ్ రేస్ చిత్రం 'మడ్డీ' చిత్రీక‌ర‌ణ ప్ర‌స్తుతం చివ‌రి ద‌శ‌లో ఉంది.  మడ్ రేసింగ్ అనేది ఆఫ్-రోడ్ మోటర్‌స్పోర్ట్ లో ఒక భాగం.  ఈ థీమ్ ఆధారంగా సినిమాలు రావ‌డం చాలా అరుదు. ఈ బహుళ భాషా చిత్రానికి నూత‌న ద‌ర్శ‌కుడు డాక్టర్ ప్రగభల్ దర్శకత్వం వహించగా  పికె 7 క్రియేషన్స్ పతాకంపై ప్రేమ‌ కృష్ణదాస్ నిర్మించారు. బురదలో సాగే రేసింగ్ తో సాహసోపేతమైన యాక్షన్ థ్రిల్లర్‌గా రూపొందుతోన్న ఈ చిత్రం ప్రేక్షకులకు అసమానమైన సినిమా అనుభవాన్ని అందిస్తుంది అన‌డంతో సందేహం లేదు. ప్రధాన పాత్రల కోసం అంద‌రినీ కొత్త వారినే ఎంచుకున్నారు దర్శకుడు డాక్టర్ ప్రగభల్. త‌న‌కు చిన్న‌ప్ప‌టి నుండి రేసింగ్ పట్ల ఉన్న ప్రేమతో చాలాకాలంగా ఈ  క్రీడతో సన్నిహిత అనుబంధాన్ని కొనసాగించాడు. ఆయన ఐదేళ్ల పరిశోధన ఫలితమే ఈ చిత్రం.
 
ఈ సంద‌ర్భంగా చిత్ర ద‌ర్శ‌కుడు డాక్ట‌ర్ ప్ర‌గ‌ల్‌భ‌ల్ మాట్లాడుతూ,  ``కొత్త త‌ర‌హా  చిత్రాల‌ను ఎంక‌రేజ్ చేయ‌డంతో విజ‌య్ సేతుప‌తి గారు ఎప్పుడూ ముందుంటారు. ఆయ‌న చేతుల‌మీదుగా మా మూవీ ఫ‌స్ట్ లుక్ పోస్ట‌ర్ రిలీజ‌వ్వ‌డం హ్యాపీగా ఉంది. ఈ సినిమా ప్ర‌ధానంగా రెండు వేర్వేరు జట్ల మధ్య శత్రుత్వం, ప్రతీకారం గురించి ఉన్న‌ప్ప‌టికీ  ఫ్యామిలీ డ్రామా, హాస్యం, సాహసం ఇలా ప్ర‌తి ఎమోష‌న్ ఈ మూవీలో ఉంటుంది. ఈ సినిమా కోసం రియ‌ల్ మ‌డ్ రేస‌ర్స్ బ్యాక్‌గ్రౌండ్ ప్లేయర్‌లుగా న‌టించారు. నేను ఆఫ్-రోడ్ రేసింగ్‌లో ప్రధాన నటులకు రెండేళ్లు శిక్షణ ఇచ్చాను. ఈ సినిమా మేకింగ్‌లో నా ముందు ఉన్న గొప్ప సవాలు ఏమిటంటే, మడ్ రేసింగ్ వంటి క్రీడను దాని థ్రిల్ మరియు పంచ్ కోల్పోకుండా ప్రేక్షకులకు పరిచయం చేయడ‌మే.  మట్టి రేసింగ్,  బురదలోని విన్యాసాలను వాస్తవికంగా చిత్రీకరించాం.  ఇది ప్రేక్షకులకు త‌ప్పకుండా  కొత్త అనుభూతినిస్తుంది.  మడ్డీకి అనువైన ప్రదేశాలను కనుగొనటానికి నాకు ఒక సంవత్సరానికి పైగా పట్టింది. సినిమాటోగ్రఫీ ఫ్రేమింగ్ కోసం మాత్రమే కాదు, ప్రదేశం చుట్టూ ఉన్నవారికి నిజమైన రహదారి 4 * 4 మడ్ రేస్ అంటే ఏమిటో తెలుసుకోవటానికి, నేను 2 రోజులు మడ్ రేస్ ఈవెంట్‌ను నిర్వహించాను. ఆర్టిస్టులు  ఏ డూప్ లేదా జూనియర్ స్టంట్ మేన్  లేకుండా సాహసోపేత విన్యాసాలు చేశారు.  మట్టి రేసింగ్‌కు ప్రాధాన్యత ఇవ్వడంతో పాటు పూర్తిస్థాయి యాక్ష‌న్ థ్రిల్ల‌ర్‌గా రూపొందిన ఈ చిత్రం ప్రేక్షకులకు గొప్ప అనుభవాన్ని ఇస్తుంది.  కెజిఎఫ్ ఫేమ్ రవి బస్రూర్ సంగీతం అందించారు. అలాగే శాన్ లోకేష్ ఎడిటింగ్, హాలీవుడ్ ఫేమ్ కె జి రతీష్  సినిమాటోగ్రఫీ అందించారు. త్వ‌ర‌లో మ‌డ్డీ టీజ‌ర్‌ను విడుద‌ల చేయ‌డానికి స‌న్నాహాలు చేస్తున్నాం`` అన్నారు.
 
యువన్, రిధాన్ కృష్ణ, అనుషా సురేష్, అమిత్ శివదాస్ నాయర్ ప్ర‌ధాన పాత్ర‌లు పోషిస్తున్న ఈ చిత్రంలోహరీష్ పెరాడి, ఐ ఎం విజయన్ & రెంజీ పానికర్ త‌దిత‌రులు ముఖ్య పాత్ర‌లు పోషించారు.

వెబ్దునియా పై చదవండి

సంబంధిత వార్తలు