సాధారణంగా ప్రతి ఇంట్లో గోడలపై బల్లులు పాకుతా ఉంటాయి. ఈ బల్లులు గోడలపై ఉండేవి తినడానికి ప్రాకులాడుతుంటాయి. బల్లి ఎప్పుడైనా క్రింద పడడం సహజం. ప్రమాదవశాత్తు బల్లిని తాకినా, అది మీద పడినా వెంటనే స్నానం చేస్తే ఆ దోషం తొలగిపోతుంది. అలాగే కాంచీపురం క్షేత్రంలో గల వెండి బల్లిని, బంగారు బల్లిని పూజించి వచ్చిన తరువాత బల్లి వలన కలిగే దోషాలు తొలగిపోతాయి.
ఇంటి మధ్యభాగంలో గురు, శుక్రవారాలు మినహా మిగిలిన ఏ వారంలోనైనా బల్లి క్రిందపడినా చాలా శ్రేయస్కరం. ఇంటిలోని తూర్పుభాగంలో ఆది, గురువారాలు మినహా మిగతా అన్ని వారాల్లో బల్లిపడడం, పలకటం శుభప్రదం. ధనలాభం కలుగుతుంది. సోమ-మంగళ, బుధవారాలు తప్పక మిగిలిన వారాలలో దక్షిణ దిక్కునందు కలిగిన సుఖము- భూషణ ప్రాప్తి, సోమ, మంగళ, బుధ, శనివారాలు మినహా వారాల్లో నైరుతి దిక్కుగా శకునం కలిగినట్లైతే సర్వకారకసిద్ధి, బంధు దర్శనం కలుగును.
ఆది, బుధ, గురువారాలు కాక మిగిలిన వారాలలో ఇంట్లో పడమర దిక్కుగా శకునం కలిగిన అనుకూలత్వం, నూతనవస్త్రప్రాప్తి. సోమబుధశుక్రవారాలు తప్ప మిగిలిన వారాల్లో ఇంట్లో వాయువ్య దిక్కునందు శకునం కలిగినట్లైతే శుభవార్తలు, స్త్రీ సల్లాపం, ఆనందం కలుగును.
ఆది, మంగళ, గురు, శుక్రవారాలు కాక మిగిలిన వారాల్లో ఇంట్లో ఉత్తరదిక్కుగా శకునం కలిగిన సుఖము, లాభము, ప్రియవార్తలు వినుట జరుగును. బుధ, శుక్ర, శనివారాలు మినహా మిగిలిన వారాల్లో ఇంట్లోని ఈశాన్య భాగంలో శకునం కలిగిన యెడల లాభం, వాహనప్రాప్తి, కలిసివచ్చుట జరుగును. ఇంటికి పైభాగంలో బల్లి పలుకు వినిపించిన యెడల జయము, ప్రయాణంలో శుభం జరుగునని జ్యోతిష్య నిపుణులు చెబుతున్నారు. వీడియో చూడండి....
