ఇంటి నిర్మాణంలో రంగుల ఎంపిక కీలక పాత్ర వహిస్తుంది. ప్రస్తుతం నిర్మితమవుతున్న వాణిజ్య సముదాయాలు, గృహాలు చూపరులను పెద్ద ఎత్తు ఆకర్షిస్తున్నాయి. దీనికి కారణం నిర్మాణం పూర్తయిన భవనానికి వాడేందుకు ఎంచుకునే రంగులే ప్రధానం. గృహానికి వేసేందుకు వాడే రంగులను ఎంపిక చేసుకోవడం కీలకమని వాస్తు శాస్త్రజ్ఞులు పేర్కొంటున్నారు.
అయితే గృహాలతో పాటు ఇతర వ్యాపార సముదాయాలకు వేసే రంగుల వల్ల ఎన్నో ప్రయోజనాలు ఉన్నాయని ఫెంగ్షుయ్ శాస్త్రం వివరిస్తోంది. ఒక గృహానికి లేదా వాణిజ్య సముదాయానికి వాడబడే రంగులను బట్టే ఉద్యోగుల్లో ఉత్సాహం, శక్తి పెరుగుతుందని, అందువల్ల గృహానికి అనుకూలమైన రంగులు వాడడం కూడా చాలా అవసరమని ఫెంగ్షుయ్ పేర్కొంటోంది.
గృహమే కాకుండా పడకగది, బాత్‌రూం, వంటగది, ఆఫీసు గది, పూజగది ఇలా ఏదైనా కావచ్చు వాటికి ఉపయోగించే రంగులు, అక్కడ ఉండే వ్యక్తుల అభిరుచికి తగినట్టుగా వుండాలి. మనిషి పెరుగుదల, పేరు ప్రతిష్టలు అర్జనలో రంగులు కీలక పాత్ర వహిస్తాయని ఫెంగ్షుయ్ శాస్త్రం పేర్కొంటోంది.
ముఖ్యంగా నలుపు, తెలుపు, ఎరుపు రంగులు ఇందులో ప్రధాన భూమిక పోషిస్తున్నాయి. వ్యాపార కార్యకలాపాలు వృద్ధిలో నలుపు రంగుతోను, పేరు ప్రఖ్యాతులకు ఎరుపు రంగుతోను అవినాభావ సంభంధం ఉంది. పులువురు తెలుపు రంగు స్వచ్ఛతకు నిదర్శనంగా పేర్కొంటున్నారు.
