''రంగస్థలం'' చిత్రం సినీ యూనిట్‌కు కనకవర్షం కురిపిస్తోంది. ఈ సినిమాలో నటించిన నటులకు ఈ సినిమా మంచి గుర్తింపును సంపాదించిపెడుతోంది. దర్శకనిర్మాతలకు కనకవర్షం కురిపిస్తోంది. ఈ నేపథ్యంలో టాలీవుడ్ అగ్ర హీరోయిన్ అయిన సమంతకు కూడా రంగస్థలం మరో రికార్డును సాధించిపెట్టింది. సమంత కెరీర్‌లో ఎనిమిదవ వంద కోట్ల మూవీగా రంగస్థలం నిలిచింది.
తమిళ, తెలుగు భాషల్లో క్రేజున్న హీరోయిన్లలో ఒకరైన సమంత కెరీర్‌లో వందకోట్లకు చేరిన సినిమాలు చాలానే వున్నాయి. ఇందులో చెర్రీతో కలిసి నటించిన ''రంగస్థలం'' వంద కోట్ల కలెక్షన్లు సాధించిన 8వ సినిమాగా రంగస్థలం నిలిచింది. గతంలో సమంత నటించిన 24, కత్తి, తెరి, మెర్సల్, దూకుడు, అత్తారింటికి దారిది, జనతా గ్యారేజ్ వంటి సినిమాలు వంద కోట్ల క్లబ్‌లో చేరిపోయాయి. తాజాగా రంగస్థలం కూడా ఆ జాబితాలో చేరిపోయింది.
ఇకపై హీరోయిన్ల ఎంపికలో వారికి పెళ్లైందా లేదా అనే స్టేటస్‌ను పెద్దగా తీసుకోవద్దని.. సుకుమార్ దర్శకనిర్మాతలకు సూచించారు. పెళ్లైనప్పటికీ తన అద్భుత నటనతో రంగస్థలం ద్వారా సమంత తన ఖాతాలో బంపర్ హిట్‌ను సొంతం చేసుకుందని సుకుమార్ గుర్తు చేశారు. ఇకపోతే.. గత ఏడాది అక్టోబర్‌లో తన ప్రేమికుడు కింగ్ నాగార్జున కుమారుడు.. అక్కినేని నాగచైతన్యతో సమంత వివాహం గోవాలో జరిగిన సంగతి తెలిసిందే. వివాహమైనా షార్ట్ బ్రేక్ తీసుకున్న సమంత రంగస్థలం షూటింగ్‌లో పాల్గొన్న సంగతి విదితమే.
