జూనియర్ ఎన్టీఆర్ హీరోగా, బాబీ దర్శకత్వలో రూపొందిన చిత్రం "జై లవ కుశ". ఈ చిత్రాన్ని హీరో నందమూరి కళ్యాణ్ రామ్ నిర్మించారు. ఇందులో రాశీఖన్నా, నివేదా థామస్‌లు నటిస్తుండగా, దేవీశ్రీ ప్రసాద్ సంగీత బాణీలు సమకూర్చారు.
అయితే, ఈ చిత్రానికి సంబంధించిన ఆడియోని డైరెక్ట్‌గా నెట్‌లో విడుద‌ల చేసి అభిమానుల ఆనందానికి అవధుల్లేకుండా చేశారు. అయితే కేవలం నాలుగు పాటలు విడుద‌ల చేసిన టీం మ‌రో పాట చాలా ఇంప్రెసివ్‌గా ఉంటుంద‌ని, ఆ సాంగ్‌ని కొద్ది రోజుల‌లో విడుద‌ల చేస్తామ‌ని హోల్డ్‌లో పెట్టారు.
శుక్రవారం ఈ పాటను రిలీజ్ చేశారు. ‘స్వింగ్ జర’ అంటూ సాగే ఈ పాట‌లో తమన్నా గ్లామర్, ఎన్టీఆర్ స్టెప్పులు ఆడియ‌న్స్ మ‌తులు పోగొడుతుంది. కొరియోగ్రఫీ దగ్గర్నుంచి మ్యూజిక్ వరకు అన్నింటిలోనూ కొత్తదనం కనిపిస్తోంది.
