కావలసిన పదార్థాలు : కాకరకాయలు.. పావు కేజీ ఉల్లిపాయలు.. రెండు ఆవాలు.. పావు టీ. జీలకర్ర.. పావు టీ. కారం.. పావు టీ. ఎండుమిర్చి.. రెండు బెల్లం.. వంద గ్రా. చింతపండు గుజ్జు.. 3 టీ. ఉప్పు.. తగినంత నూనె... సరిపడా
తయారీ విధానం : కాకరకాయలను ముక్కలుగా తరగాలి. ఈ ముక్కలమీద ఉప్పు చల్లి నీళ్లు పోసి ఉడికించాలి. తరువాత నీళ్లన్నింటినీ వార్చేయాలి. ఓ వెడల్పాటి బాణలిలో నూనె వేసి ఆవాలు, జీలకర్ర, ఎండుమిర్చి వేసి వేయించాలి. ఇందులో ఉడికించిన కాకరకాయ ముక్కలు, ఉప్పు, కారం, బెల్లం వేసి నీరు ఆవిరయ్యేంతదాకా సన్నటి మంటమీద మగ్గించాలి.
బెల్లం బాకంలా మారి కాకరకాయ ముక్కలకు అంటుకున్న తరువాత చింతపండు గుజ్జు, తగినంత ఉప్పు వేసి కలిపి కాసేపు ఉడికించి దించేయాలి. అంతే బెల్లం కాకర తయార్..! ఇది అన్నంలోకే కాదు.. చపాతీల్లోకి కూడా చాలా రుచిగా ఉంటుంది. మీరూ ట్రై చేసి చూడండి.
