సోనూ సూద్‌కు ఈ అవార్డు దక్కడంపై టీడీపీ అధినేత, మాజీ ముఖ్యమంత్రి చంద్రబాబు నాయుడు స్పందిస్తూ, రియల్ హీరోపై ప్రశంసల వర్షం కురిపించారు. ఈ మేరకు తన ట్విట్టర్ ఖాతాలో ఓ ట్వీట్ పెడుతూ, 'మరింత మెరgగైన ప్రపంచానికి మీ వంటి వారి అవసరం ఎంతైనా ఉంది' అని వ్యాఖ్యానించారు.
దేశంలో కరోనా వైరస్ నియంత్రణ చర్యల్లో భాగంగా, కేంద్రం ఉన్నఫళంగా లాక్డౌన్ ప్రకటించింది. ఆ సమయంలో తన ఔదార్యంతో ఎంతో మందికి సహాయం చేసి, తాను వెండితెరపై మాత్రమే ప్రతి నాయకుడినని, నిజ జీవితంలో నాయకుడినేనని నిరూపించుకున్నారు. ముఖ్యంగా, ఎంతో మంది వలస కార్మికులు తమతమ స్వస్థలాలకు వెళ్లేందుకు సోనూ సూద్ సాయం చేశారు. వారి కోసం ప్రత్యేక బస్సులు, రైళ్లతో పాటు విమానాలను కూడా బుక్ చేసి తన ఔదార్యాన్ని చాటుకున్నారు.
