ఈ వ్యవహారానికి సంబంధించి మరో ముగ్గురిపై తాజాగా వేటుపడింది. ఎస్వీబీసీ ఎడిటర్ కృష్ణారావు, చానల్ మేనేజర్లు మురళీకృష్ణ, సోమశేఖర్‌లను సస్పెండ్ చేశారు. వీరితో కలుపుకుని ఎస్వీబీసీ అశ్లీల చిత్రాలకు సంబంధించిన వ్యవహారంలో ఇప్పటివరకు 10 మందిపై వేటు పడినట్టయింది.
ఈ ఘటనపై వైవీ విచారణకు ఆదేశించారు. చానల్లోని పలువురు కీలకస్థానాల్లో ఉన్న ఉద్యోగులు విధి నిర్వహణ సమయంలో అశ్లీల చిత్రాలు చూస్తున్నట్టు గుర్తించి, అప్పట్లోనే కొందరికి ఉద్వాసన పలికారు. ఈ వ్యవహారం ఆంధ్రప్రదేశ్ రాష్ట్రంలో సంచలనం సృష్టించిన విషయం తెల్సిందే.
