విశాఖకు చెందిన యువతితో, గోపాలపట్నం ప్రాంతానికి చెందిన యువకుడికి పెద్దల సమక్షంలో వివాహానికి ముహూర్తం ఫిక్స్ అయ్యింది. సంప్రదాయ వస్త్రాలు ధరించిన వధువు, వరుడు మండపంలో పెళ్లి పీటలపై కూర్చోబోతున్నారు.
పది నిమిషాల్లో పెళ్లి జరుగనుండగా ఇంతలో వరుడు ట్విస్ట్ ఇచ్చాడు.. పెళ్లి చేసుకోను అంటూ నిరాకరించడంతో, వధువు తరఫు వారంతా అవాక్కయ్యారు. అతనితో వాదించారు. దీంతో జడుసుకున్న వరుడు భయాందోళనకు గురైన వరుడు బాత్రూమ్‌లోకి వెళ్లి తలదాచుకున్నాడు.
అక్కడి నుంచే డయల్‌ 100కు ఫిర్యాదు చేయడంతో పోలీసులు ఘటనాస్థలికి చేరుకుని రెండు కుటుంబాలతో చర్చించారు. ఏ కారణమూ లేకుండానే పెళ్లికి నిరాకరించిన వరుడి ప్రవర్తనపై వధువు తల్లిదండ్రులు, బంధువులు తీవ్ర అసహనం వ్యక్తం చేశారు.
