ప్రేయసి కోసం సౌదీ రన్‌వే పై పరిగెత్తిన ప్రేమికుడు.. ఎందుకు?

ప్రియుడు షార్జాలో వున్నాడు. ప్రేయసి భారత్‌లో వుంది. అయితే ప్రేయసిని చూడలేకుండా ఆ ప్రియుడు వుండలేకపోయాడు. పాస్ పోర్ట్ కంపెనీ చేతిలో వుంది. అయితే ఆ ప్రియుడు ప్రేయసి కోసం సాహసం చేశాడు.

విమానాశ్రయం గోడలపైకి ఎక్కి రన్‌వేపై దూకాడు. విమానం ఎక్కాలని పరుగులు తీశాడు. ఇంతలో అధికారులు అదుపులోకి తీసుకుని న్యాయస్థానం ముందు హాజరు పరిచారు. చివరికి పాస్ పోర్ట్ పొందాడు. 

వివరాల్లోకి వెళితే.. భారత్‌కు చెందిన ఆర్కే (26) షార్జాలోని ఓ కంపెనీలో ఇంజినీర్‌గా పనిచేస్తున్నాడు. కానీ తన ప్రేయసి భారత్‌లో వుండటంతో ఆమెను చూడాలనే తపనతో ప్లాన్ వేశాడు. షార్జా ఎయిర్‌పోర్టుకు వెళ్లి, గోడదూకి భారత్‌కు వెళ్లే రన్‌పై ఎక్కేందుకు ప్రయత్నించాడు. కానీ అధికారులు అతనిని కోర్టు ముందు హాజరు పరిచారు. 

కోర్టులో ప్రేయసి కోసమే ఇదంతా చేశానని.. మరో ఉద్దేశం లేదని చెప్పడంతో జడ్జి మందలించి.. అతనికి బెయిల్ మంజూరు చేశారు. అంతేగాకుండా కంపెనీ నుంచి పాస్ పోర్టుకు కూడూ ఇప్పించారు. అంతే ఆర్కే సంతోషానికి అవధుల్లేకుండా పోయింది. అంతే ప్రేయసిని చూసేందుకు ఛాన్సు వచ్చేసిందని ఆర్కే ఎగిరి గంతేశాడు.