తాజాగా జాన్స్ హాఫ్కిన్స్ యూనివర్శిటీ వెల్లడించిన గణాంకాల ప్రకారం గడచిన మంగళవారం నుంచి శనివారం మధ్య కొత్తగా 10,00,882 కరోనా కేసులు నమోదయ్యాయి. దీంతో అమెరికాలో మొత్తం కోవిడ్-19 కేసుల సంఖ్య 45 లక్షలు దాటిందని పేర్కొంది.
కాగా, ఇప్పటివరకు కరోనా వైరస్ సోకి అగ్రరాజ్యంలో 2,81,199 మంది కన్నుమూశారు. నవంబరు నుంచి ప్రతీరోజూ కొత్తగా నమోదయ్యే కేసుల సంఖ్య అంతకంతకూ పెరుగుతూ వస్తోంది. దీనికితోడు వివిధ ఆసుపత్రులలో చేరుతున్న కరోనా బాధితులు సంఖ్య కూడా అధికంగానే ఉంటోంది.
కాగా, అమెరికా అధ్యక్ష ఎన్నికల సమయంలో ట్రంప్, ఆయన భార్య మెలానియా, కుమారుడు డొనాల్డ్ జూనియర్, ఆయన కుమారుడు బారన్, ప్రెస్ సెక్రటరీ, సలహాదారులు, ప్రచార నిర్వాహకులు వైరస్ బారినపడిన విషయం తెల్సిందే.
