వాటిని మా ఉద్యోగులు మిస్‌యూజ్ (దుర్వినియోగం) చేశారనే ఆరోపణలు ఇంతవరకూ రాలేదని సంస్థ ఇంజనీరింగ్, సెక్యూరిటీ విభాగం వైస్ ప్రెసిడెంట్ పెడ్రో కనాహువాటి తన బ్లాగ్‌లో పేర్కొన్నారు. ఉద్యోగులకు పాస్‍వర్డ్‌లు కనిపిస్తాయన్న విషయాన్ని ఈ సంవత్సరం స్టాటింగ్‌లోనే తాము తెలుసుకున్నామని ఆయన చెప్పుకొచ్చారు.
కాగా ఇప్పటికే ఫేస్‌బుక్ డేటా సెక్యూరిటీపై అందోళన వెల్లువెత్తుతున్న సమయంలో ఈ పాస్‌వర్డ్ ఇష్యూ తెరపైకి రావటంతో యూజర్లు ఆందోళనకు గురవుతున్నారు. అంతేకాదు ఆ యూజర్ల పాస్‌వర్డ్‌లను ప్లెయిన్ టెక్ట్స్ ఫార్మాట్‌లో సర్వర్లలో దాచామని, అవి సంస్థ ఉద్యోగులకు తప్ప మరొకరికి కనిపించవని చెప్పడం భద్రతా నిబంధనలకు విరుద్ధమేనని సైబర్ నిపుణులు ఆగ్రహం వ్యక్తం చేస్తున్నారు.
