లాక్డౌన్ నిబంధనలు అమల్లో ఉన్న తరుణంలో పుట్టినరోజు పార్టీని ఏర్పాటు చేసుకున్న 11 మంది వైద్యులతో పాటు.. ఇద్దరు రిసార్ట్ మేనేజర్లపై పోలీసులు కేసు నమోదు చేశారు. ఈ ఘటన పూణెలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే,
'లాక్‌డౌన్‌లో మూసేసి ఉండాల్సిన రిసార్టు అర్థరాత్రి తెరిచారని, దానిలో కొందరు వ్యక్తులు చేరి పార్టీ చేసుకుంటున్నారని సమాచారం అందింది. దీంతో వెంటనే ఘటనా స్థలానికి చేరుకున్నాం' అని పోలీసులు తెలిపారు. ఈ పార్టీలో పాల్గొన్న 11 మంది వైద్యులతో పాటు.. ఇద్దరు రిసార్ట్ మేనేజర్లపై కేసులు నమోదు చేసి విచారణ జరుపుతున్నట్టు తెలిపారు.
