కరోనా వైరస్ నేపథ్యంలో వలస కార్మికులకు బాలీవుడ్ నటుడు సోనూసూద్ అండగా నిలిచిన సంగతి తెలిసిందే. ఈ నేపథ్యంలో సోనూసూద్ నేరాలకు అలవాటు పడిన వ్యక్తి అని బృహన్ ముంబయి మునిసిపల్ కార్పోరేషన్ (బిఎంసి) అనుచిత వ్యాఖ్యలు చేసింది. సబర్బన్లోని జుహూలో అనధికారికంగా నిర్మాణ పనులు చేపట్టాడని, గతంలో రెండుసార్లు కూల్చివేసినప్పటికీ.. మరలా నిర్మాణం ప్రారంభించాడని ముంబయి కోర్టుకు సమర్పించిన అఫిడవిట్లో బిఎంసి పేర్కొంది.
