స్టైలిష్ స్టార్ అల్లు అర్జున్ హీరోగా నటిస్తోన్న తాజా సినిమా పుష్ప. సుకుమార్ దర్శకత్వంలో రూపొందుతున్న ఈ చిత్రం షూటింగ్ కొన్నాళ్లు జరగగానే కరోనా మహమ్మరి పంజా విసరడంతో షూటింగు ఆగిపోయింది. ఇక ఇప్పుడు మెల్లగా అందరూ షూటింగులకు షెడ్యూల్స్ వేసుకుంటూ ఉండడంతో, పుష్ప షూటింగ్ షెడ్యూల్ కూడా ప్లాన్ చేస్తున్నారు.
మరో రెండు నెలల్లో కరోనా తగ్గుముఖం పడుతుందన్న అంచనాతో నవంబర్ నుంచి ఈ చిత్రం షూటింగ్ నిర్వహించాలని నిర్ణయించారట. ఈ చిత్రం ఫారెస్ట్ బ్యాక్ డ్రాప్‌లో సాగే కథతో రూపొందుతుండడం వల్ల మహబూబ్ నగర్ జిల్లాలోని అటవీ ప్రాంతంలో షూటింగ్ ప్లాన్ చేస్తున్నట్టు తెలుస్తోంది. మొదటి షెడ్యూల్‌లో ఎక్కువగా హీరోకి సంబంధించిన సన్నివేశాలను షూట్ చేస్తారట. ఇందులో రష్మిక మందన్న కథానాయికగా నటిస్తోంది.
