పడిపడి లేచె మనసు తర్వాత శర్వానంద్ నటిస్తోన్న సినిమా గురించి అప్‌డేట్స్ వచ్చేశాయి. టాలీవుడ్ నటుడు శర్వానంద్, కాజల్ కాంబినేషన్‌లో సుధీర్ వర్మ దర్శకత్వంలో ఈ సినిమా తెరకెక్కుతోంది. మార్చి ఆరో తేదీన శర్వానంద్ పుట్టిన రోజు కావడంతో తాజాగా ఈ చిత్రం నుంచి శర్వానంద్ కొత్త లుక్ ఒకటి బయటకు వచ్చింది. ఈ లుక్‌లో శర్వానంద్ గడ్డంతో స్టైలిష్‌గా వున్నాడు.
ఇకపోతే.. విజయ్ సేతుపతి ,త్రిష జంటగా నటించిన ''96'' రీమేక్‌లో యంగ్ హీరో శర్వానంద్, సమంత జంటగా నటించనున్నారు. ఈ చిత్రాన్ని ప్రేమ్ కుమార్ తెరకెక్కించనున్నాడు. కాగా ఒరిజినల్ వెర్షన్‌కు కూడా ఆయనే దర్శకత్వం వహించాడు.
