వైసీపీ ప్రభుత్వ హయాంలో మహిళల భద్రత తగ్గిపోయిందని, దాన్ని పునరుద్ధరించడం చంద్రబాబు నాయుడు, పవన్‌కల్యాణ్‌కే సాధ్యమని టీడీపీ సీనియర్‌ నేత, మహిళా కమిషన్‌ మాజీ చైర్‌పర్సన్‌ నన్నపనేని రాజకుమారి అన్నారు.
మహిళా దినోత్సవం సందర్భంగా ప్రతి మహిళ, ఆడబిడ్డ కలను సాకారం చేసేందుకు ప్రత్యేకంగా "వింగ్స్ టు డ్రీమ్స్" పేరుతో చంద్రబాబు, పవన్‌కల్యాణ్‌ కొత్త పథకాన్ని ప్రారంభించినట్లు నన్నపనేని రాజకుమారి ప్రకటించారు.
ఈ పథకం ద్వారా వారి జీవితాలను ఉన్నత స్థాయికి చేర్చడమే టీడీపీ-జన సేన ప్రభుత్వ లక్ష్యమని నన్నపనేని స్పష్టం చేశారు. ఈ పథకం కింద మహిళలు, బాలికలు పొందే బ్యాంకు రుణాలకు టీడీపీ-జనసేన ప్రభుత్వం గ్యారెంటర్‌గా నిలుస్తుందని ఆమె వివరించారు.
