భాద్రపద అమావాస్య మొదలు ఆశ్వీయుజ శుక్ల అష్టమి వరకు తొమ్మిది రోజులు బతుకమ్మ పండుగను జరుపుకుంటారు. సద్దుల బతుకమ్మ రోజు ప్రతీ ఆడపిల్ల తన పుట్టింట అక్కా చెల్లెళ్లు, చిన్ననాటి స్నేహితులతో ఈ పండుగ జరుపుకొంటుంది.
గాజుల గలగలలు, పట్టుచీరల రెపరెపలు, ఆభరణాల అందాలు, పూల సుగంధాలు, ఎటు చూసినా ఇంతుల అందాలు హరివిల్లులా పల్లె అందాన్ని ఇనుమడిస్తాయి.
పూర్వం నుంచీ ఉన్న సంప్రదాయం ఇది. కాకతీయులు తమ కులదేవత ముంగిట గుమ్మడి పూలతో పూజించేవారట. బతుకమ్మ చోళుల కాలంలోనూ ఉండేదని పురాణాలు చెప్తున్నాయి. బతుకమ్మ పండుగ భూమి, నీరు ప్రకృతిలో ఇతర వాటి మధ్య సంబంధాన్ని తెలుపుతూ జరుపుకునే పండుగ.
