నేటి హర్రి...హర్రి... ప్రపంచంలో ఉరకలు పరుగులు తప్పవు. అయితే మతిమరుపు ఉంటే మాత్రం పలు రకాలుగా ఇబ్బందులు పడాల్సిందే. వంట పని పూర్తయ్యాక గ్యాస్ కట్ చేయడం దగ్గర నుంచి ఆఫీసుకు వెళ్లే సమయంలో ఇంట్లో మొబైల్ మరచిపోవడం వరకు అన్ని సమస్యలే. ఇటీవల కాలంలో చిన్నా పెద్దా అనే తేడా లేకుండా అందరూ మతిమరుపు సమస్యతో బాధపడుతున్నారు. మతిమరుపును జయించి మెండైన జ్ఞాపకశక్తిని పొందాలంటే.. కొన్ని చిట్కాలు పాటిస్తే సరి...
కొత్త భాష నేర్చుకోవడం, పజిల్స్, పద బంధాలు పూరించడం, పాట సంగీతాన్ని గుర్తు పెట్టుకుని వీలైతే గొంతు కలిపి పాడడం, ఒకే సమయంలో వీలైనన్ని ఎక్కువ కథలు, లేదా నవలలు చదవడం, వేర్వేరు పుస్తకాల్లో వేర్వేరు మలుపులను గుర్తు పెట్టుకునేందుకు ప్రయత్నించడం వంటివి చేస్తే మతిమరుపు సమస్య నుంచి బయటపడవచ్చునను నిపుణులు స్పష్టం చేస్తున్నారు.