మెగాస్టార్ చిరంజీవి నటిస్తున్న తాజా చిత్రం "ఆచార్య". కొరటాల శివ దర్శకత్వం వహిస్తున్న ఈ చిత్రం షూటింగ్ కరోనా వైరస్ కారణంగా ఆగిపోయింది. అయితే, త్వరలోనే ఈ చిత్రం షూటింగ్ ప్రారంభించే అవకాశాలు ఉన్నట్టు తెలుస్తోంది. ఇందుకోసం ప్రత్యేకంగా ఓ సెట్‌ను నిర్మించనున్నారు.
ఇక చిరంజీవి సరసన ఇందులో కాజల్ అగర్వాల్ హీరోయిన్‌గా నటిస్తుండగా, రెజీనా ఓ ఐటం పాటలో కనిపిస్తుంది. అయితే, ఈ చిత్రంలో మరో కథానాయికగా దివంగత శ్రీదేవి కూతురు జాన్వీ కపూర్ నటించే చాన్స్ వుందని టాలీవుడ్‌లో తాజాగా ప్రచారం జరుగుతోంది.
