''మిడిల్ క్లాస్ అబ్బాయ్'' సినిమాలో రీ ఎంట్రీ ఇచ్చిన నిన్నటితరం నాయిక భూమిక. ఈమె తాజాగా నాగచైతన్య ''సవ్యసాచి'' చిత్రంలోనూ కీలక పాత్రలో కనిపిస్తోంది. తాజాగా భూమిక యూటర్న్ రీమేక్‌లో నటించేందుకు గ్రీన్ సిగ్నల్ ఇచ్చినట్లు తెలుస్తోంది. కన్నడ హిట్ చిత్రాల జాబితాలో చేరిన ''యూ టర్న్'' సినిమాను తెలుగు, తమిళ భాషల్లో రీమేక్ చేస్తున్నారు.
ఇందులో హీరోయిన్‌గా సమంత నటిస్తుండగా, ఇందులో భూమిక కీలక రోల్ చేయనుంది. కన్నడలో రాధికా చేతన్ పోషించిన దెయ్యంలో పాత్రలో భూమిక కనిపించనుందని ఫిలిమ్ నగర్ వర్గాల్లో జోరుగా ప్రచారం సాగుతోంది. ఇప్పటివరకు గ్లామర్ రోల్స్, క్యారెక్టర్ ఆర్టిస్టుగా ఆకట్టుకున్న భూమిక.. థ్రిల్లర్‌ మూవీలో దెయ్యం పాత్రను పోషించేందుకు అంగీకరించడంతో ఆమె ఫ్యాన్స్ పండగ చేసుకుంటున్నారు.
ఇకపోతే.. ఈ సినిమాకు పవన్ కుమార్ దర్శకత్వం వహిస్తున్నాడు. తొలి షెడ్యూల్ ఇప్పటికే పూర్తయిన ఈ సినిమా రెండో షెడ్యూల్ ఏప్రిల్ తొలి వారం నుంచి ప్రారంభం కానుంది. శ్రీనివాస సిల్వర్ స్క్రీన్ పతాకంపై ఈ సినిమా నిర్మితమవుతోంది. తెలుగు, తమిళ భాషల్లో ఈ సినిమా రూపుదిద్దుకోనుంది.
