2017లో జరిగిన అసెంబ్లీ ఎన్నికల్లో డోల్కా నియోజకవర్గం నుంచి పోటీచేసిన ఆయన పలు అక్రమ, అడ్డదారుల ద్వారా గెలిచారని నిర్ధారించిన కోర్టు ఆయన ఎన్నిక చట్టవిరుద్ధమని పేర్కొంది. కేవలం 327 ఓట్ల స్వల్ప మెజార్టీతో గెలిచిన భూపేంద్ర సిన్హ్‌ ఎన్నికను సవాల్‌ చేస్తూ కాంగ్రెస్‌ అభ్యర్థి అశ్విన్‌ రాథోడ్‌ హైకోర్టును ఆశ్రయించారు.
కౌటింగ్‌ ప్రక్రియలో ఆయన పలు అక్రమాలు, అవకతవకలకు పాల్పడ్డారని రాథోడ్‌ కోర్టుకు తెలిపారు. దీనిపై పలుమార్లు విచారణ చేసిన జస్టిస్‌ పర్వేష్‌ ఉపాధ్యారు తీర్పును పలు వారాల పాటు రిజర్వ్‌లో ఉంచి తాజాగా వెలువరించారు.
దీనికితోడు ఇవిఎం మిషన్లలో పోలయిన ఓట్లలో 29 ఓట్లను కూడా లెక్కించలేదని అన్నారు. భూపేంద్రసిన్హ్‌ ఎపిసోడ్‌పై రాష్ట్ర ఉపముఖ్యమంత్రి నితిన్‌ పటేల్‌ స్పందిస్తూ కోర్టు తీర్పును పార్టీ పరిశీలిస్తుందని, న్యాయవ్యూహంపై తరువాత నిర్ణయం తీసుకుంటామని పేర్కొన్నారు.
