తెలుగు చిత్రపరిశ్రమకు చెందిన సినీ హీరో, హిందూపురం సిట్టింగ్ ఎమ్మెల్యే నందమూరి బాలకృష్ణ మరోమారు తన దురుసు ప్రవర్తనతో వార్తలకెక్కారు. ఎన్నికల ప్రచారంలో పాల్గొని తనకు అనుకూలంగా ప్రచారం చేస్తున్న ఓ అభిమాని వెంటపడి తరిమి తరిమి కొట్టాడు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయింది. ఈ ఘటన విజయనగరం జిల్లా చీపురుపల్లి నియోజకవర్గంలో జరిగింది.
ఎన్నికల ప్రచారంలో భాగంగా రోడ్డుపై నడుస్తూ వెళుతున్న బాలకృష్ణను ఓ అభిమాని వీడియో తీసేందుకు ప్రయత్నించాడు. దీంతో ఒక్కసారిగా ఆగ్రహోద్రుక్తుడైన బాలయ్య... ఆ ఫోన్ లాక్కొనే ప్రయత్నం చేసి విఫలమయ్యాడు. దీంతో ఆగ్రహం ఒక్కసారిగా కట్టలు తెంచుకోవడంతో అతని వెంటపడి దాడి చేశారు. సుమారు 49 సెకన్ల నిడివి ఉన్న ఈ వీడియోలో బాలకృష్ణ చేసిన పనిని నెటిజన్లు విమర్శిస్తున్నారు.
