సీపీఎం, సీపీఐ పార్టీలను ఎంత అణదొక్కాలని చూస్తే అవి బంతుల్లా అంత పైకి లేస్తాయని సీపీఎం రాష్ట్ర కార్యదర్శి రాఘవులు అన్నారు. ఖమ్మం జిల్లాలో జరుగుతున్న సీపీఎం 23వ మహాసభలో ఆయన ప్రసంగించారు.
వామపక్ష పార్టీలను చూస్తే కాంగ్రెస్ పార్టీకి వెన్నులో వణుకు పుడుతోందని అన్నారు. ఆ భయంతో పార్టీలను అణదొక్కేందుకు రకరకాల కుయుక్తులు పన్నుతోందని ఆరోపించారు. అయితే తమను ఎంతగా అదిమి పెడితే అంతగా పైకి లేస్తామని అన్నారు.
దేశంలోని మొత్తం 11 కమ్యూనిస్టు పార్టీలు కలిసి ఈ కాంగ్రెస్ పార్టీని మట్టికరిపించాలని నిర్ణయించామన్నారు. పార్టీల మధ్య చిన్నచిన్న విభేదాలున్నప్పటికీ వాటన్నిటినీ ప్రక్కన పెట్టి ముందుకు నడుస్తామని చెప్పుకొచ్చారు.
మద్య నిషేధం, విద్యుత్ ఛార్జీల పెంపుకు వ్యతిరేకంగా ఉద్యమాలు చేస్తామన్నారు. కమ్యూనిస్టు పార్టీల నాయకులు మద్యం తాగరనీ, కానీ పూటుగా మందుకొట్టే బూర్జువా పార్టీలు మద్యపాన నిషేధం అంటూ గొంతు చించుకుంటున్నాయని ఎద్దేవా చేశారు. ఈ బూర్జువా పార్టీలతో ఎట్టి పరిస్థితుల్లో చెలిమి చేసేది లేదని అన్నారు.
