దేశంలోని నదులను అనుసంధానం చేయడం వల్ల నీటి సమస్యలకు చెక్ పెట్టొచ్చని ఆంధ్రప్రదేశ్ ముఖ్యమంత్రి నారా చంద్రబాబు నాయుడు అభిప్రాయపడ్డారు. అలాగే, ఆంధ్రప్రదేశ్ రాష్ట్రంలో ఉన్న నదులను అనుసంధానం చేయాలని కేంద్ర జలవనరులశాఖామంత్రి ఉమాభారతికి ఆయన విజ్ఞప్తి చేశారు.
ఈ దఫా ఆంధ్రప్రదేశ్లో 34 శాతం తక్కువ వర్షపాతం మాత్రమే నమోదైందని చెప్పారు. ఇలాంటి పరిస్థితిలో నీటి నిర్వహణ మరింత జాగ్రత్తగా వుండాలని, ఆంధ్రప్రదేశ్లో ఉన్న గోదావరి, కృష్ణ, పెన్నా నదులను అనుసంధానం చేయడానికి ప్రయత్నాలు చేస్తున్నట్టు చెప్పుకొచ్చారు.
ఈ సమావేశంలో కేంద్ర జలవనరుల శాఖ మంత్రి ఉమాభారతి, పలువురు ఉన్నతాధికారుల, నీటి పారుదల రంగ నిపుణులు పాల్గొన్నారు. ఈ సమావేశం అనంతరం చంద్రబాబు జలవనరుల మంత్రి ఉమాభారతి, కేంద్ర హోంశాఖ మంత్రి రాజ్నాథ్ సింగ్తో ప్రత్యేకంగా సమావేశమయ్యారు. రైల్వేమంత్రి సురేష్ ప్రభును కూడా కలిశారు.