చిత్తూరు, శ్రీకాళహస్తిల కేంద్రంగా హైటెక్ వ్యభిచారం జోరుగా సాగుతోంది. అందమైన అమ్మాయిల ఫోటోలను విటులకు వాట్సాప్‌లలో పంపించి... ధర, స్థలం ఒప్పందాలు కుదుర్చుకుంటున్నారు. ఇలా గుట్టు చప్పుడు కాకుండా వ్యభిచార గృహాన్ని నిర్వహిస్తున్న హైటెక్ ముఠా సభ్యులు ముగ్గుర్ని బుధవారం పోలీసులు అరెస్టు చేశారు.
శ్రీకాళహస్తి రెండో పట్టణ పోలీసులు అందించిన సమాచారం మేరకు... తొట్టంబేడు దొంగలమడూరుకు చెందిన ఉదయ్‌కుమార్‌ (32) శ్రీకాళహస్తిలోని ఓ లాడ్జిలో పనిచేస్తుండేవాడు. శ్రీకాళహస్తిలో ఉంటున్న నెల్లూరుకు చెందిన ఓ మహిళతో పరిచయం ఏర్పడింది. ఇద్దరూ పనులు మానేసి ధర్మరాజుల ఆలయం సమీపంలో సబ్‌ట్రెజరీకి సమీపంలో ఓ డూప్లెక్స్‌ హౌస్‌ను అద్దెకు తీసుకున్నారు.
వ్యభిచార గృహం ప్రారంభించారు. నెల్లూరు జిల్లా గూడూరుకు చెందిన మల్లికార్జునరావు (32) వీరికి విటులను, యువతులను తీసుకొస్తూ సహకరించేవాడు. వీరి ప్రవర్తనపై అనుమానం వచ్చిన స్థానికులు పోలీసులకు సమాచారం ఇచ్చారు. నిఘా పెట్టిన పోలీసులు బుధవారం వ్యభిచార గృహంపై దాడిచేశారు. మల్లికార్జున, ఉదయ కుమార్‌తో పాటు ఆ మహిళ పట్టుబడ్డారు.
