విద్యాబుద్ధులు చెప్పాల్సిన ఓ ప్రొఫెసర్ ఓ విద్యార్థినిని మోసం చేశాడు. పెళ్లి పేరుతో ఆ విద్యార్థినిని హాస్టల్ నుంచి తన ఇంటికి తీసుకెళ్లాడు. అక్కడ సహజీవనం చేశాడు. తన కామవాంఛ తీర్చుకున్నాడు. ఆ తర్వాత పెళ్లి ప్రస్తావనరాగానే.. ఆమెపై చేయి చేసుకుని ఇంటి నుంచి వెళ్లగొట్టాడు. హైదరాబాద్‌లో వెలుగు చూసిన ఈ వివరాలను పరిశీలిస్తే...
వివాహితుడైన తంగప్పన్... కట్టుకున్న భార్యకు విడాకులు ఇవ్వనున్నట్టు ఆ విద్యార్థిని నమ్మించి చేరదీశాడు. పైగా, తాను తీవ్ర మానసిక ఒత్తిడికి లోనవుతున్నానని, తనకుతోడు అవసరమని చెబుతూ బాధిత విద్యార్థినిని పెళ్లి చేసుకుంటానని చెప్పాడు. పైగా, హాస్టల్ నుంచి తన ఇంటికి తీసుకెళ్లాడు. అలా కొంతకాలంపాటు వారిద్దరూ కలిసి జీవిస్తూ వచ్చారు.
ఈ క్రమంలో అకస్మాత్తుగా ఈ నెల 12వ తేదీన బాధితురాలిపై చేయిచేసుకుని, పెళ్లి చేసుకోవడం కుదరదని, హాస్టల్‌కు వెళ్లిపోవాలని ఇంటి నుంచి వెళ్లగొట్టాడు. ఆమె నుంచి ఫోన్లు కూడా రాకుండా ఆమె నంబర్‌ను బ్లాక్‌లిస్ట్‌లో ఉంచాడు. ఈ నెల 19 నుంచి యూనివర్సిటీలో వారం పాటు సెలవు పెట్టి వెళ్లిపోయాడు. ఎంత ప్రయత్నించినా ఫోన్ కలవకపోవడంతో బాధితురాలు పోలీసులకు ఫిర్యాదు చేసింది. దీనిపై పోలీసులు కేసు నమోదు చేసి విచారణ జరుపుతున్నారు.
