కౌషల్ ఆర్మీ అండతో టైటిల్ కొట్టిన తర్వాత ఏం జరిగిందో ఏమో గానీ తాజాగా ఆర్మీ మొత్తం కౌషల్‌కు ఎదురు తిరిగి ఆరోపణలు, వీడియోలు చేయడం మొదలుపెట్టింది. కౌషల్ కూడా వారికి ధీటుగా సమాధానమిస్తూ బిగ్ బాస్ సభ్యుడు తనీష్ గురించి వ్యాఖ్యలు, ఫోటోలు పోస్ట్ చేసి ఆయనను రచ్చలోకి లాగాడు.
అయితే, ఈ భేటీ వెనుకవున్న కారణం ఇంకా తెలియలేదు. ఈ వివాదం కోసమే సీఎంను కలిసారా లేక రాజకీయపరంగా ఈ మీటింగ్ జరిగిందా అనే విషయం ఇంకా సస్పెన్స్‌గానే ఉంది. ఒకవేళ కౌషల్ ఆర్మీ నిధుల దుర్వినియోగం వివాదానికి సంబంధించి కౌషల్ కలిసినట్లయితే దీనికి రాజకీయ రంగు కొత్తగా తోడైనట్లు అవుతుంది.
మీడియా వస్తున్న వార్తల ప్రకారం, కౌషల్‌కు రాజకీయాలపై ఆసక్తి ఉన్నట్లు తెలుస్తోంది. ఈ సారి జరుగుతున్న అసెంబ్లీ ఎన్నికలలో విశాఖపట్నం నుండి పోటీ చేయాలని కౌషల్ భావిస్తున్నట్లు ప్రచారం జరుగుతోంది. అందుకోసమే సీఎం కలిసినట్లు రూమర్లు వస్తున్నాయి. నిజమేంటో తెలియాలంటే కౌషల్ నోరు విప్పాలి మరి.
