ప్రేమిస్తున్నాను అని అడవిలోకి తీసుకెళ్లి ఆపై అత్యాచారం ప్రయత్నం చేసిన ప్రియుడి వ్యవహారం బయటకు వచ్చింది. నిన్ను ప్రేమిస్తున్నాను... నువ్వులేక పోతే నేనులేను అంటూ ఓ వివాహితుడు గిరిజన బాలికను వేధించాడు. నాతో పాటు అడవిలోకి రావాలని కత్తితో బెదిరించి అటవీ ప్రాంతంలోకి తీసుకెళ్లి అత్యాచార యత్నం చేశాడు. ఈ ఘటన తూర్పుగోదావరిజిల్లా రాజవొమ్మంగి మండలంలో జరిగింది.
మారేడుబాకకు చెందిన లోవరాజుకు పెళ్లి అయింది. ఒక కుమారుడు ఉన్నాడు. ఐతే పెళ్లి చేసుకుని పిల్లల్ని కన్న లోవరాజు అదే గ్రామంలో ఉంటున్న 15 ఏళ్ల బాలికను ప్రేమిస్తున్నానని నెల రోజులుగా వేధిస్తున్నాడు. శుక్రవారం సాయంత్రం ఇంట్లో ఒంటరిగా ఉన్న బాలికను వెనుక నుండి పట్టుకుని కత్తితో బెదిరించి సమీపంలోని అటవీ ప్రాంతానికి తీసుకెళ్లి అత్యాచారానికి యత్నించాడు. బాలిక పెద్దగా కేకలు వేయడంతో గ్రామస్థులు, చుట్టుప్రక్కలవారు రావడంతో లోవరాజు పరారయ్యాడు. పోలీసులు కేసు నమోదు చేసుకుని దర్యాప్తు చేస్తున్నారు.
