సినిమా టికెట్ల ధరల పెంపు, సినిమా పరిశ్రమకు ప్రయోజనాలు కల్పించే అంశాలపై చర్చ జరుగుతున్నట్లుగా తెలుస్తోంది. అలాగే సినిమా టికెట్ల ధరల పెంపుపై ప్రభుత్వం నియమించిన కమిటీ ఇచ్చిన నివేదిక, టికెట్ల ధరల పెంపు అంశంపై రేపు హైకోర్టులో విచారణ జరగనున్న నేపథ్యంలో ప్రభుత్వానికి ఏం చెప్పాలనే అంశంపై జగన్ మంత్రి నుంచి వివరాలు సేకరిస్తున్నారు.
కాగా.. ఈ నెల 10న సీఎం జగన్‌తో చిరంజీవి సహా ఇతర సినీ ప్రముఖుల సమావేశం వున్న సంగతి తెలిసిందే. సినిమా టికెట్ల ధరల పెంపు అంశంపై ప్రభుత్వం నియమించిన కమిటీ నివేదిక దాదాపు సిద్ధమైంది. ఈ క్రమంలోనే సినిమా ప్రముఖులతో భేటీలో వారి అభిప్రాయాలు తీసుకుని చర్చించి తుది నిర్ణయం తీసుకోనుంది ప్రభుత్వం. అలాగే సినిమా ధియేటర్ల యజమానుల సమస్య పరిష్కారంపైన చర్చ జరిగే అవకాశాలున్నాయి.
