జనసేన అధినేత పవన్ కళ్యాణ్‌పై ఏపీ మంత్రి కొడాలి నాని సెటైర్లు వేశారు. గుడివాడ జంక్షన్‌లో రంకెలు వేసింది వకీల్ సాబ్ కాదు... షకీలా సాబ్ అని అన్నారు. పవన్ కళ్యాణ్‌ సోమవారం గుడివాడలో పర్యటించారు. ఈ సందర్భంగా పట్టణంలోని ఓ కూడలిలో ఆయన ప్రసంగిస్తూ, మంత్రి కొడాలి నానిపై తీవ్ర విమర్శలు గుప్పించారు.
శతకోటి లింగాల్లో బోడి లింగం అన్నట్టు... శతకోటి నానీల్లో ఒక నాని అంటూ ఎద్దేవా చేశారు. ఈ వ్యాఖ్యలపై కొడాలి నాని అదే స్థాయిలో విరుచుకుపడ్డారు. శతకోటి లింగాల్లో పవన్ కల్యాణే ఒక బోడిలింగమని... తాను శివలింగం వంటివాడినని అన్నారు. పవన్ బోడిలింగం కాబట్టే... గాజువాక, భీమవరం ప్రజలు కింద పడేసి తొక్కేశారన్నారు.
