విజయవాడలో విషాద ఘటన చోటుచేసుకుంది. వన్‌టౌన్ లోని శ్రీదేవి లాడ్జిలో ప్రేమజంట ఆత్మహత్యకు పాల్పడింది. విజయవాడ నగరంలో వన్‌టౌన్ పరిధిలో శ్రీదేవి లాడ్జీ ఉంది. గుర్తు తెలియని ఇద్దరు యువతి, యువకుడు అద్దెకు గది తీసుకున్నారు.
సమాచారం అందుకున్న పోలీసులు అక్కడికి చేరుకునేలోపే లాడ్జి యజమాని పరారయ్యాడు. పోలీసులు మృతదేహాలను స్వాధీనం చేసుకుని ప్రభుత్వాసుపత్రికి తరలించారు. పోలీసులు ఆ జంట ఎవరు, ఎక్కడి నుంచి వచ్చారు, లాడ్జీ యజమాని ఎందుకు పరారైయ్యాడు వంటి వివరాల కోసం విచారణ చేపట్టారు.
