26-09-2020 శనివారం దినఫలాలు - అభయ ఆంజనేయ స్వామిని ఆరాధిస్తే..

శనివారం, 26 సెప్టెంబరు 2020 (05:00 IST)
మేషం : ఆర్థికస్థితిలో పురోగతి లేక నిరుత్సాహం చెందుతారు. మీ శ్రీమతి లేక శ్రీవారి వైఖరి మనస్థాపం కలిగిస్తుంది. గృహమార్పునకు యత్నించండి. వాణజ్య ఒప్పందాలు, చెల్లింపులు, నగదు స్వీకరణలో మెళకువ వహించండి. ఉపాధ్యాయులతో మితంగా సంభాషించండి. బంధు మిత్రులతో సంబంధాలు బలపడతాయి. 
 
వృషభం : ఆకస్మిక ఖర్చులు ఉంటాయి. ధనవ్యయంలో మితం పాటించండి. రిటైర్డ్ ఉద్యోగస్తులకు రావలసిన బెనిఫిట్స్ అందుతాయి. కంప్యూటర్, ప్రింటింగ్ రంగాల వారికి అవకాశాలు కలసివస్తాయి. కోర్టు వాయిదాలు విచారణకు వచ్చే సూచనలున్నాయి. చేపట్టిన పనులపై ఆసక్తి ఉండదు. పరిచయాలు, వ్యాపకాలు పెంపొందుతాయి. 
 
మిథునం : బాకీలు, ఇతరాత్రా రావలసిన ఆదాయం అందుతుంది. ప్రత్యర్థులను సైతం ఆకట్టుకుంటారు. ఆపరేషన్లు చేయునపుడు వైద్యులకు ఏకాగ్రత, మెళకువ అవసరం. బ్యాంకు వ్యవహారాలలో ఒత్తిడి, చికాకులను ఎదుర్కొంటారు. విద్యార్థులు ఉపాధ్యాయులతో ఏకీభవించలేకపోతారు. స్త్రీల ఉద్యోగ ప్రయత్నాలు అనుకూలిస్తాయి. 
 
కర్కాటకం : చిన్న విషయమే సమస్యగా మారే అవకాశం ఉంది. పరిచయం లేని వ్యక్తులకు దూరంగా ఉండాలి. ప్రస్తుత వ్యాపారాలపైనే దృష్టిసారించండి. పెద్దల ఆరోగ్యం గురించి ఆందోళన చెందుతారు. ఉద్యోగస్తులకు దైనందిన కార్యక్రమాల్లో మార్పులుండవు. కానివేళలో ఇతరుల రాక ఇబ్బంది కలిగిస్తుంది. 
 
సింహం : ఉమ్మడి వెంచర్లు, ఏజెన్సీలు, కాంట్రాక్టుల విషయంలో పునరాలోచన అవసరం. పనులు సానుకూలతకు బాగా శ్రమిస్తారు. చిన్న విషయమే సమస్యగా మారే ఆస్కారం ఉంది. విందులలో పరిమితి పాటించండి. ఉద్యోగస్తులకు దైనందిన కార్యక్రమాల్లో మార్పులుండవు. రావలసిన ఆదాయంలో కొంత మొత్తం అందుతుంది. 
 
కన్య : ప్రభుత్వ కార్యక్రమాలలోని పనులు సానుకూలమవుతాయి. మీ సంతానం కోసం ధనం అధికంగా ఖర్చు చేస్తారు. రవాణా రంగాలలోని వారికి చికాకులు అధికమవుతాయి. వస్త్ర వ్యాపారులు పనివారలను ఓ కంట కనిపెట్టుకుని ఉండటం శ్రేయస్కరం. స్త్రీల ఆరోగ్యం మందగిస్తుంది. ఉన్నత విద్యల కోసం చేసే యత్నం ఫలిస్తుంది. 
 
తుల : వాణిజ్య కార్యకలాపాలు మెరుగుపడతాయి. ఇతరుల వాహనం నడిపి ఇబ్బందులకు గురికాకండి మీ కళత్ర మొండివైఖరి మీకు ఎంతో చికాకు కలిగిస్తుంది. ఉపాధ్యాయులకు యాజమాన్యం ఒత్తిడి, చికాకులు అధికం. 
 
వృశ్చికం : స్టేషనరీ, ప్రింటింగ్ రంగాల వారికి అవకాశాలు కలిసివస్తాయి. ప్రముఖులకు బహుమతులు అందజేస్తారు. దూర ప్రయాణాలలో నూతన పరిచయాలు ఏర్పడతాయి. పెద్దల ఆరోగ్యంలో సంతృప్తికానవస్తుంది. రావలసిన ధనం అందడం వల్ల తాకట్టు వస్తువులను విడిపిస్తారు. సతీసమేతంగా ఒక పుణ్యక్షేత్రాన్ని సందర్శిస్తారు. 
 
ధనస్సు : బ్యాంకు వ్యవహారాలలో పరిచయం లేని వ్యక్తులతో మితంగా సంభాషించండి. ఒకసారి అనుకూలించని అవకాశం మరోసారి ఫలిస్తుంది. దైవ, సేవా, కార్యక్రమాల కోసం ధనం అధికంగా వెచ్చిస్తారు. ఉద్యోగస్తులకు పనిభారం అధికమవుతుంది. గృహమునకు కావలసిన నూతన వస్తువులను కొనుగోలు చేస్తారు. 
 
మకరం : కోర్టు వ్యవహారాలు మీరు కోరుకున్నట్టుగానే వాయిదాపడతాయి. విద్యార్థులు ప్రేమ వ్యవహారాలకు దూరంగా ఉండటం మంచిది. కొబ్బరి, పండ్లు, పూల వ్యాపారులకు సామాన్యంగా ఉండగలదు. రుణాల కోసం అన్వేషిస్తారు. రాజకీయ నాయకులకు ప్రయాణాలలో వస్తువుల పట్ల మెళకువ చాలా అవసరం. 
 
కుంభం : ఆపద సమయంలో మిత్రులు అండగా నిలుస్తారు. దంపతుల మధ్య అభిప్రాయభేదాలు, పట్టింపులు చోటుచేసుకుంటాయ. ట్రాన్స్‌పోర్టు, ఆటోమొబైల్ రంగాల వారికి సదావకాశాలు లభిస్తాయి. అధికారులు ధనప్రలోభం వల్ల చిక్కుల్లో పడే ఆస్కారం ఉంది. గృహంలో మార్పులు, చేర్పులు అనుకూలిస్తాయి. 
 
మీనం : రిటైర్డు ఉద్యోగస్తులకు రావలసిన బెనిఫిట్స్ అందుతాయి. మీ బంధువులను సహాయం అర్థించే బదులు మీరే ప్రత్యామ్యానం చూసుకోవడం ఉత్తమం. నోరు అదుపులో ఉంచుకోవడం శ్రేయస్కరం. బ్యాంకు వ్యవహారాలలో పరిచయం లేని వ్యక్తులతో మితంగా సంభాషించండి. దూర ప్రయాణాలు అనుకూలిస్తాయి. 

వెబ్దునియా పై చదవండి

సంబంధిత వార్తలు