నేత్ర సంబంధ సమస్యలున్నవాళ్లు పాలతోపాటు తీసుకోవాలి. పాలల్లో తేనె, నెయ్యితో ఈ చూర్ణాన్ని కలిపి తింటే కళ్లు, చర్మం, మెదడుకు మేలు చేస్తుంది. మధుమేహగ్రస్థులు నరాల సమస్యలను, కాలేయ పనితీరును మెరుగుపరచడానికి... ఈ చూర్ణాన్ని చల్లటి నీళ్లతో కలిపి అరచెంచా చొప్పున వాడితే మంచిది. జుట్టు రాలిపోతుంటే కుంకుడు రసంలో అరచెంచా చూర్ణాన్ని కలిపి మాడుకు పట్టించాలి.
త్రిఫలం అంటే ఉసిరికాయ, కరక్కాయ, తానికాయ. ఈ మూడింటిని పొడిని చేసుకుంటే త్రిఫల చూర్ణం సిద్ధం. ఎందుకే ఎండిన ఉసిరికాయలో ఎక్కువగా ఉండే విటమిన్‌-సి రోగనిరోధక శక్తిని పెంచుతుంది. కరక్కాయ రోగ నిరోధకశక్తిని పెంచి, అజీర్తి నుంచి కాపాడుతుంది. జుట్టు రాలే సమస్యను తానికాయ అరికడుతుంది. రోగనిరోధక శక్తినీ పెంచుతుంది. జ్వరం వచ్చినప్పుడు దీన్ని వాడితే తీవ్రత తగ్గడంతోపాటు రోగి త్వరగా కోలుకునే అవకాశముందని ఆయుర్వేద నిపుణులు సూచిస్తున్నారు.
