పాలలో వచ్చే మీగడ ఆరోగ్యానికి ఎంతో మేలు చేస్తుంది. కానీ, చాలామంది మీగడను తినకుండా పారేస్తుంటారు. మీగడలోని యాంటీ ఆక్సిడెంట్స్ చర్మ అందాన్ని రెట్టింపు చేస్తాయి. ఇంకా చెప్పాలంటే.. ముడతల చర్మాన్ని తొలగించుటలో మీగడ ముఖ్య ప్రాత పోషిస్తుంది. దీనిలోని ప్రయోజనాలు చూస్తే.. తప్పక మీగడను పారేయకుండా ఉపయోగిస్తారని చెప్తున్నారు నిపుణులు.
1. మీగడలోని విటమిన్ సి ముఖంపై గల నల్లటి మచ్చలు, మెుటిమలను తొలగిస్తాయి. ఎలాగంటే.. మీగడలో కొద్దిగా చక్కెర, కలబంద గుజ్జు కలిపి ముఖానికి ప్యాక్ వేసుకోవాలి. గంటపాటు అలానే ఉంచి ఆ తరువాత శుభ్రం చేసుకుంటే మంచి ఉపశమనం లభిస్తుంది. దాంతో చర్మంపై గల మృతుకణాలు పోతాయి.
2. కొందరికి కంటి కింద నల్లటి వలయాలు విపరీతంగా ఉంటాయి. వాటిని తొలగించడానికి రకరకాల ప్రయత్నాలు చేస్తుంటారు. కానీ, ఎలాంటి లాభాలు కనిపించవు... అందుకు మీగడ దివ్యౌషధంగా పనిచేస్తుంది. పావుకప్పు మీగడలో కొద్దిగా కీరదోస రసం, ఆలివ్ నూనె కలిపి ముఖానికి, మెడకు రాసుకోవాలి. ఇలా వారం రోజుల పాటు క్రమంగా చేస్తే కంటి నల్లటి వలయాలు పోతాయి.
3. మీగడలోని ప్రోటీన్ల్ మృతుకణాలను తొలగిస్తాయి. దీనిలోని లాక్టికి యాసిడ్ చర్మంపై గల దుమ్ము, ధూళి నుండి ఉపశమనం కలిగిస్తాయి. రోజూ స్నానానికి ముందుగా కప్పు మీగడలో కొద్దిగా నిమ్మరసం, పసుపు, గంధం కలిపి పేస్ట్‌లా చేసుకుని శరీరానికి రాసుకోవాలి. అరగంట తరువాత గోరువెచ్చని నీటితో స్నానం చేయాలి. ఇలా చేస్తే.. చర్మం తాజాగా మారుతుంది.
