కుంకుపువ్వుతో కూడిన మిల్క్ క్రీమును వాడడం ద్వారా గులాబీ రేకుల్లాంటి పెదవులను మీ సొంతం చేసుకోవచ్చును. ఇది నల్లని పెదవులను గులాబీ రంగులా మార్చుతాయి. రోజులో చాలా సార్లు దీన్ని ఉపయోగించాలి. నిద్రించే ముందుగా మిల్స్ క్రీమ్‌ను రాసుకోవడం ద్వారా పెదవులకు ప్రత్యేక అందం చేకూరుతుంది. అలానే స్ట్రాబెర్రీ, రాస్బెర్రీల జ్యూస్‌ను పెదవులకు రాయడం ద్వారా పెదవులు రోజ్‌గా తయారవుతాయి.
రాస్బెర్రీ, తేనె కలిపిన మిశ్రమాన్ని కలబంద రసానికి కలిపి పేస్ట్‌లా రాసుకుని 10 నిమిషాల పాటు అలానే ఉంచి.. ఆ తరువాత పొడి బట్టతో తుడిచేయాలి. తర్వాత బామ్ వాడితే మంచి ఫలితం ఉంటుంది. ఇక తాజా మంచు గడ్డలను పెదాలకు రాయడం వలన అవి తేమని అందించడమే కాకుండా.. పెదాలని హైడ్రేటేడ్‌గా ఉంచుతాయి. ఇంకా గులాబీ రంగుల్లాంటి పెదవులకు ఫ్రిజ్‌ ట్రేలో నీటిని నింపి ఆ ఐస్ గడ్డలు వాడితే చాలంటున్నారు బ్యూటీ నిపుణులు.
