మహిళలు అందం పట్ల ఎక్కువ ఆసక్తిని కనబరుస్తూ అందాన్ని పెంచుకునేందుకు బ్యూటీపార్లర్లకు వెళుతుంటారు. అయితే చాలా డబ్బు ఖర్చు చేయడమే కాకుండా, కెమికల్ క్రీమ్‌లు కూడా ముఖంపై అలెర్జీ ప్రతిచర్యలకు కారణమవుతాయి. కాబట్టి, ఇంట్లో ఉండే వస్తువులతో ఎప్పటికీ అందంగా ఉండాలంటే ఇలా చేయండి.
గోళ్లను కత్తిరించే ముందు నూనె రాసుకుని, కాసేపటి తర్వాత గోళ్లను కత్తిరించుకుంటే నచ్చిన ఆకృతిలో గోళ్లు కత్తిరించి అందంగా కనిపిస్తాయి. జుట్టు మరీ జిడ్డుగా ఉంటే కోడి గుడ్డులో కొంచెం పంచదార కలిపి తలకు పట్టించి తలస్నానం చేయాలి. ఇలా చేయడం వల్ల జిడ్డు తొలగిపోయి జుట్టు అందంగా తయారవుతుంది.
పండిన అరటిపండును మెత్తగా చేసి ముఖానికి పట్టించి 20 నిమిషాల తర్వాత కడిగేస్తే చర్మం మృదువుగా మారుతుంది. టొమాటో లేదా యాపిల్ తురుమును ముఖానికి రాసుకుంటే చర్మం జిడ్డు తగ్గుతుంది. బొప్పాయి పండును గ్రైండ్ చేసి అందులో కొద్దిగా తేనె, పాలు కలిపి ముఖానికి రాసుకుని కాసేపు నానబెట్టి ముఖం కడుక్కుంటే ముఖం మెరిసిపోతుంది.
