మోచేతులు మృదువుగా, కోమలంగా ఉండేందుకు ఈ చిట్కాలు మీ కోసం. మృతకణాలు ఎక్కువగా పేరుకుపోవడం వలన చర్మం నల్లగా మారుతుంది. ఆ సమస్య నుండి బయటపడాలంటే చెంచా తేనెలో చక్కెర, కాస్త నిమ్మరసం కలిపి మోచేతులకు రాసుకుని మర్దన చేయాలి. ఇలా తరచూగా చేయడం వలన మృతుకణాలు తొలగిపోయి, నలుపుదనం కూడా తగ్గుతుంది.
రెండు బంగాళాదుంపల్ని గుజ్జుగా చేసి అందులో తేనెను కాస్త కలుపుకుని ఆ మిశ్రమాన్ని మోచేతులకు పూతలా రాయాలి. కాసేపయ్యాక మర్దన చేసి కడిగేస్తే చర్మం చక్కగా నిగారింపును సంతరించుకుంటుంది. సెనగపిండిలో పెరుగు, పాలను కలుపుకుని మోచేతులకు రాసుకుంటే నల్లటి మచ్చలు తొలగిపోతాయి.
