టొమాటో... నిగనిగ లాడే ఎర్రని టొమాటోను చూడగానే తినాలి అనే కోరిక వస్తుంది. ఇది సహజ సిద్ధమైన స్కిన్ టోనర్. మొటిమలు, కురుపులు వంటి వాటిని నయం చేస్తుంది. తాజా టొమాటోలను మిక్సర్ వేసి గుజ్జులా చేయాలి. ఈ టొమాటో గుజ్జును ముఖానికి రాసుకుని పది నిమిషాలు తరువాత నీళ్ళతో కడిగి వేయాలి. రోజూ అలా చేస్తే చర్మంపై కనిపించే రంధ్రాలు మూసుకుపోతాయి.
పుదీనాతో... పుదీనా ఆకును కూరలలో వేసుకుంటాము, బిర్యానిలో, పుదీనా రైస్ కూడా చేసుకుంటాము. ఈ ఆకు ఆరోగ్యానికి మంచిది. అంతేకాదు అందాన్ని కూడా పెంచుతుంది. దీనిలో వుండే మెంథాల్ చర్మానికి చల్లదనాన్ని ఇస్తుంది. మన ముఖంపై వుండే మొటిమలను మచ్చలను తొలగించాలంటే పుదీన రసాన్ని ప్రతిరోజు రాత్రి సమయంలోముఖానికి రాసుకోవాలి. అంతేకాదు పుదీనా ఆకుల్లో రెండు టేబుల్ స్పూన్‌లు పెరుగు వేసి గుజ్జులా చేయాలి.
ఈ మిశ్రమాన్ని ముఖం, మెడ, భాగాలకు రాసుకుని పావు గంట తరువాత కడిగేయాలి. వారంలో కొన్నిసార్లు ఇలా చేస్తే మృదుమైన చర్మం మీ సొంతం అవుతుంది.
