కేంద్రం ఓ మాట చెపితేనే మీకు అప్పులిస్తామని తెలంగాణ రాష్ట్ర ప్రభుత్వానికి ప్రపంచ బ్యాంకు తేల్చి చెప్పింది. దీనిపై కేంద్ర ఆర్థిక శాఖ సంయుక్త కార్యదర్శి రవికుమార్ స్పందించారు. ఇతర రాష్ట్రాల ప్రాజెక్టుల ప్రతిపాదనలు, అవసరాలను పరిశీలించిన తర్వాత టి-సర్కార్ ప్రతిపాదనలపై నిర్ణయం తీసుకుంటామని తేల్చి చెప్పారు.
తాగునీటి పథకాలకు రూ.25 వేల కోట్లు, హైదరాబాద్ మెట్రో వాటర్ సప్లైకి రూ.14 వేల కోట్లు, విద్యుత్తు సరఫరా వ్యవస్థ మెరుగునకు రూ.4 వేల కోట్లు, గ్రామీణ రహదారుల అభివృద్ధికి రూ.7 వేల కోట్లు, మిషన్ కాకతీయకు రూ.3500 కోట్లు, హైదరాబాద్-వరంగల్ పారిశ్రామిక కారిడార్ అభివృద్ధికి రూ.5 వేల కోట్లు అవసరమవుతాయని టి-సర్కార్ ప్రతిపాదించింది.