అమెరికా ప్రభుత్వం మనదేశ విద్యార్ధులకు యూఎస్ ఎడ్యుకేషన్ ఫౌండేషన్ ఇన్ ఇండియా (యూసెఫీ) సంస్థ ఫుల్‌బ్రైట్ ఫెలోషిప్స్ పేరుతో ఉపకారవేతనాలు అందిస్తుంది. భారత్-అమెరికా దేశాల మధ్య విద్యా-సంస్కృతిక కార్యక్రమాలను ఇచ్చిపుచ్చుకునేందుకు వీలుగా ఈ ఉపకార వేతనాలను ఇస్తున్నారు. ఈ ఉపకార వేతనాలను నాలుగు రకాలుగా వర్గీకరించారు. అవి విద్యార్ధులు, అధ్యాపకులు- ఉపాధ్యాయులు, రీసెర్చి స్కాలర్లు, ప్రొఫెషనల్స్ ఉన్నారు.
ఇందులో భాగంగా విద్యార్దులకు ఏడు రకాల ఉపకారవేతనాలు, రీసెర్చి, అసిస్టెన్స్ విభాగాల్లో ఒక్కొక్క ఉపకార వేతనం లభిస్తాయి. అధ్యాపక-ఉపాధ్యాయ విభాగంలో 11, రీసెర్చి స్కాలర్ల విభాగంలో 7, ప్రొఫెషనల్స్ విభాగంలో 5, డిగ్రీకోర్సుల విభాగంలో 4, రీసెర్చి విభాగంలో 2 ఉన్నాయి. దీనికి సంబంధించిన దరఖాస్తు చేసుకోవటానికి జులై 16 ఆఖరు తేదీ. దరఖాస్తు చేసుకున్న విద్యార్దులలో కొందరిని ఎంపిక చేసి న్యూఢిల్లీలో మౌఖిక పరీక్షలు నిర్వహిస్తారు.
ఆ తర్వాత టోఫెల్, జీఆర్ఇ, జిమాట్, టీఎస్ఇ పరీక్షలు నిర్వహిస్తారు. తుది జాబిజాను వచ్చే ఏడాది మార్చిలో విడుదల చేస్తారు. వీరికి కోర్సులు వచ్చే ఏడాది ఆగస్టు, సెప్టెంబరు నెలల్లో ప్రారంభం అవుతుంది. ఇతర వివరాలకు సంబంధిత వెబ్‌సైట్ ద్వారా తెలుసుకోవచ్చు.
